مؤمنه جدا ان القدر لا يلهوا ولا يمازحنا...
وكل صدفه في حياتنا هي من تكتيك القدر !
اتؤكأ علي ارشيف تجاربي مع الخير المتنكر في لباس النقمه..
لأتجاوز كل مضارع مؤلم.....
واتفاءل....
هذا المضيق الذي اعبره لن يدوم......
ثمة محيطٌ ينتظرني..!
........................................
دخل كريم لمنزل صديقه جالسًا علي المقعد وانتظر الى ان اتي له احمد عندما رآه ابتسم قائلًا بتمثيل
-كرييم السيوفي عندنا لا مش مصدق اقرصني اضربنى...
ثم قام كريم من مكانه ليلكمه فى معدته وهو ينظر له بإبتسامه.. صاح احمد وهو يرمقه بغيظ متألمًا
-ااااه .....يا ابن المجنونه بطني
جلس كريم في مقعده معقبًا بلا مبالاه
-مش انت اللي قولت اضربني علشان اصدق..
رد عليه احمد بغضب ومازال ممسك ببطنه
-طب ما قولت اقرصني لازم يعني تمسك في الكلمه "اكمل احمد بعدها بكبرياء مصطنع" يلا يا بابا اتفضل من غير مطرود من هنا ..؛ احنا مش بنستقبل ضيوف بعد الساعه٦..
عقب عليه ببرود وابتسامه خابيثه تتشكل على وجهه
-ماشي انا همشي بس هعمل حاجه قبل ما امشي
ثم وقف فجأه علي مقعد الصالون وهو يهتف بصوت انثوى
-يا خالتو ام احمد.. الحقيني يا خالتو ام احمد..
وقف احمد امامه رامقًا اياه بحده
-يخربيتك انزل من علي الكرسي
هز رأسه نافيًا
-مش نازل ومش همشي غير لما تيجي امك واقولها علي حاجه مهمه قبل ما امشي
تسأل احمد
-هتقولها ايييه ان شاء الله... ؟!!
وضع كريم يده علي ذقنه بتفكير
هقولها علي ايييه... هتقولها علي اييييه يا كيمو..... اااه خلاص عرفت هقولها علي حوار اااللخخ......
ثم وجد من يكمم فمه بقوه هامسًا
-اكـــــــــتـــــــم.... الله يخربيت اللي يحكيلك حاجه... اكــتــم خالص مسمعش نفسك
قام كريم برفع يد احمد من علي فمه وهبط وجلس مكانه علي المقعد ووضع قدم فوق اخري قائلًا
-مش انت اللي قولتلي امشي من هنا فا انا كنت همشي بس كنت هقولها علي ال...
قاطعه بغضب
-بــــس خلاص يا كيمو يا حبيبي اقعد ان شالله حتي تقيم عندنا.. انا معنديش مانع وتيجي وقت ما تحب
اخذ كريم ينظر وراء احمد ورآي بسمله قادمه اليهم واستمعت لاخر كلام في حديثهم رمقها كريم بنفس الابتسامه المستفزه
-لا بلاش اقيم معاكو اصل في ناس رخمه هنا...، بقولك يا حماده متيجي يا ابني نخش اوضتك اصل الجو بقي خنقه اوووي هنا...، وعايز اكلمك في موضوع مهم والحيطان ليها ودان.
اخذ ينظر احمد الي حيث ينظر كريم وجد بسمله تقف ووجهها اصبح باللون الاحمر من الغضب رامقًا كريم بتسأل
-نفسي اعرف ايه اللي بينكوا وايه اللي مخليكوا مش بطيقوا بعض ليه.... ياعم دي اختي مش اختك يعني المفروض اناا اللي افضل اغيظ فيها مش انت..؟!!
أنت تقرأ
نصيبي وقدري (مكتملة)
Romance"لا تعلم متى يأتي نصيبك الذى قد قدره الله لك.. لكن حين يأتي لن تتمكن ابدًا من الفرار منه.. مهما فعلت فسيلقيك قدرك كل مرة في طريقه.. ولن تملك سوى الاستسلام بقلبك قبل عقلك.. ستدرك ان كل ما تفعله وكل محاولات هروبك ما هي إلا وسيلة مقاومة عن الاستسلام لذ...
