نصيبي وقدري (مكتملة)

الحلقه السابعة عشر

بعد انتهاء الدرس خرج الجميع ، كانوا يقفون امام المركز تسأل كريم
-مالك يا احمد ... ساكت ليه ، احنا كنا بنستنا درس الانجلش والفرنش علشان نتقابل، في ايه مالك...؟!

اجاب احمد بنبره عاديه
-مفيش.. عادي...!، ثم نظر ليارا واضاف طب يلا يا يارا نروح نجيب بسمله علشان نروح ..!

قاطعه كريم مسرعاً
-طب استني هاجي معاك ...

-لا يا كريم روح انت ورحمه ... الوقت اتأخر ..

رد عليه كريم بتصميم
-لا احنا هنيجي معاك ...!

نظر له احمد بضجر ثم قام بمد يده اتجاه الطريق قائلًا
-اتفضل ...قدامي..

رفع كريم رأسه بفخر مصطنع معقبًا
-ميرسي..

رمقه أحمد بضجر معلقًا
-ميرسي...، الله يرحم جدك كان بياكل البطاطا بالعيش..

رد عليه كريم بإستفزاز
يعني جدك اللي كان بياكلها بالفينو...
!!
نظر له احمد بغضب واردف
-طب اتنيل امشي.. خلينا نخلص..

نظر له كريم ثم اقترب منه وامسك وجنته قائلُا بدلع
-مالك يا بطه.. مين اللي مزعلك ، وانا هضربه

نظر له احمد بغضب ، ثم توسعت عيونه ، واشار خلف كريم ،قائلّا بصدمه
-اوعا يا كرييم... صرصار .. !!

انتفض كريم من مكانه ، وصاح عالياً وذهب خلف احمد وركب علي كتفه صائحًا.. لكن مالبث الا ان انفجر احمد ضاحكاً 
-مش عيب عليك.. شحط زيك كده يخاف من صرصار ..!!

كانت يارا ورحمه يضحكون عليه بشده ، نظر له بغضب
يا شيخ حرااام عليك ، انا اقطعت الخلف في الخضه دي...

ثم نظر لرحمه واردف بغضب
-انتِ بتضحك.ِ علي اييه ..انتِ كمان ..، ما انتِ بتخافِ من الصرصار زيك زيي..

تدخل احمد قائلًا بضحك
-علي الاقل هيا بنت ...، الدور والباقي علي الطويل الاهبل..!!

امتعض كريم وهو يرد عليه
-طب اسكت انت احسن...، ما انت بتخاف من العنكبوت ومحدش اتكلم ...!!

سكت احمد ونظر لكريم قائلًا بامتعاض
-طب اسكت يا كريم ... بلاش نسيح لبعض ، في بنات موجدين معانا..!!

رد كريم بابتسامه مصطنعه وقام بالتربيت علي كتفه وهتف
-لا وعلي اييه ... خلي الطابق مستور ... يلا خلينا نجيب البت ..، احسن تتعكس وهيا زيي القمر كده ..!!

احمد بضجر مصطنع وقام بامساكه من ياقته قائلًا
-يعني لو حضرتك مش ملاحظ انا موجود.. واللي بتعاكسها تبقى اختي ..!!

قام كريم بابعاد يده قائلًا
-طب نزل ايدك علشان البرستيج ميروحش.. "وقام بانزل يده وقام بعدل ياقة القميص واكمل.."
وانا مالي ... ذنبي ايييه ان اخواتك مُزز ، ...طب ده حتي انت مُز اهو وتتعاكس..،  تعرف لولا ان اختك اسماء اكبر مني كنت اتجوزتها... ىثم تنهد بحزن مصطنع"
بس يالا مليش في الطيب نصيب حظي وقعني في ام شبر ونص .