نصيبي وقدري (مكتملة)

الحلقه الثانيه والعشرين

في الجامعه عند اسراء

كانت اسراء علي وشك الرحيل لكن مالك امسكها من مرفقها قائلاً بغضب
انا قولتلك اني عايز اتكلم معاكي...

نظرت له بغضب وامسكت يده التي كان ممسك بها مرفقها وقامت بفك يدها منه، ورفعت سبابتها في وجهه قائله بصياح
انا مسمحلكش انك تلمسني بالطريقه دي..، مش معني اني سكت اول مره ومتكلمتش انك هتسوق فيها..، لو انا عايزه اتكلم معاك كنت وقفت من الاول...، فياريت تبعد عني وملكش دعوه بيا ..،لاني المره الجايه تصرفي مش هيعجبك...نظرت له باستهزاء قائله
بعد اذنك..يا دكتور...

همت بالرحيل مره اخري الا انه امسك يدها بقوه وقام بسحبها خلفه ،حاولت فك يدها منه لكنه كان ممسك بها بقوه ولم تستطع ايقافه ،نظرت له بغضب قائله
والله العظيم لو ماسبتني دلوقتي لا هصوت والم عليك الجامعه كلها...

توقف عن السير ثم التف اليها،ورفع احدي حاجبيه نظراً لها باستهزاء قائلاً
هو انتي فاكره انك كده هخف واسيبك واقولك ..حقك عليا......احنا واقفين اهو صوتي ولمي الناس علينا.....كانت تنظر له بغضب ....اييه مالك سكتي لييه ..؟

احتدت نظراتها نحوه ورمقته بنظره شرسه عدائيه قائله
سيبني يا بشمهندس ...

اجابها ببرود ومازال ممسك يدها قائلاً
لا تصدقي خوفت...!

استشاطت منه واحتدت نظراتها نحوه ثم صاحت عالياً قائله
الحقوووونني الحقوووونني ...الحق...امممممم، وضع يده علي فمها مانعاً لها من اكمال الصياح..
التم الناس حولهم من صياحها العالي ،نظرت له بانتصار وقامت بفك يده عنها وعن فمها ،اما عنه فكان ينظر له بتوعد ، اخذ الناس ينظرون اليهم ثم ذهبوا اليهم سألها احدهم
في حاجه يا آنسه ..الاستاذ ده بيضايقك ..؟

اجاب مالك مسرعاً ليمنعها من الكلام ،وقام بجذبها اليه ووضع يديه علي كتفها ليحطيها قائلاً بهدوء وحزن مصطنع
يا حبيبتي خلاص متزعليش نفسك..هجبلك اللي انتي عايزاه ...بس متنفعليش كده.....مش الدكتوره قالتلك ان الانفعال غلط عليكي ..،ثم وضع احدي يديه علي معدتها واكمل قائلاً وعلي اللي في بطنك ...،تدلي فكها السفلي من الصدمه واخذت تنظر له بتوهان ...، بينما هو ابتسم ثم نظر للناس المتجمعين حولهم قائلاً بحرج مصطنع
معلش يا جماعه...انا مش عارف اقولكم اييه ...،بس احنا لسه متجوزين جديد...وهيا في اول الحمل... وباين كده هرمونات الحمل طلعت عليا... ثم نظر لها قائلاً بانتصار
كل ده علشان قولتلك مش هجبلك الرنجه اللي كان نفسك فيها .. ياحبيبتي انتي عارفه ان الدكتوره هيا اللي طلبت مني كده .. وانا خايف عليكي وعلي ابننا.. بس لو انتي نفسك فيها اووي خلاص هجبهالك...

هتف احد الناس المتجمعين حولهم وكانت دكتور كبير في الجامعه قائلاً لفض التجمع
خلاص يا جماعه..كل واحد يروح جامعته..،ثم نظر لها قائلاً
وانتي يامدام..مكنش في داعي للي حصل...هو قالك ان الدكتوره هيا اللي طلبت منه..، يعني هو مش بأيده... راعي جوزك يابنتي ...،ثم هتف بمرح
ربنا يقومك بالسلامه.... ولو جبتوا ولد ان شاء الله ابقوا سموه جاسر علي اسمي..!