جذبها الى صدره وهو يتخلل شعرها بأصابعه ويده الاخرى يمررها على ظهرها بهدوء ناظرًا لأنحاء الغرفه بأثاثها العصرى التى جمعتهم معًا منذ أكثر من سنه...
لفت يدها حول خصره وهيا تلقى برأسها على صدره محاوله الحصول على الهدوء لمده قصيره من الزمن وهيا تغمض عيونها مستمتعة بقربه منها...، مستشعره دقات قلبه اسفل وجنتها...
ازدادت لمساته جرءاه مما دفعها لتلكزه فى صدره قائله بحده مصطنعه
-احترم نفسك..!!
اصطنع الألم وهو يقول
-انا جوزك يا هبله..!!
لوت شفتيها وهيا ترفع رأسها ناظره اليه معلقه
-طب احترم نفسك.. يا جوزى.
هز رأسه نافيًا وهو يقول
-لا...
ضجرت قائله
-يوسف انا مش بهزر..!!
مرر يده على احدى خصلاتها الشقراء يعيدها خلف اذنها، وهو يهيم بعيونها الزرقاء التى سحرته منذ اول مره رائها بها قائلًا بهيام
- ولا انا بهزر...
تنهدت بخفوت واخفضت عيونها بعيدًا عنه، الا انه لم يسمح لها فرفع رأسها ليجعلها تنظر اليه متسائلًا
-مالك يا دعاء...؟!!
ابعدت عيناها عنه وهيا تجيب
-زهقت.... احنا هنفضل كده لحد امته..؟!!
سألها بخفوت
-كده اللى هو ازاى...!!
ردت عليه وهيا تبعد نفسها عنها
-يعنى هنفضل لحد امته متجوزين فى السر... ومحدش يعرف عننا حاجه.
اعتدل فى جلسته وهو ينظر اليها معقبًا بإمتعاض
-انا قولتلك على ظروفى من الاول... وانتِ اللى وافقتى بإرادتك...، وقلتلك انه صعب انى افاتح حد فى موضوعنا ده.. غير لما سيف يرجع..
علقت بإندفاع
-يعنى ايه... يعنى انا هفضل متجوزه فى السر كده كتير...؟!!
نظر لها وهو يقول بجفاء
-"فى السر".... انتِ مراتى على سنة الله ورسوله.. ومعاكِ ورقه تثبت ده.. وتحطيها فى العين التخين.. احنا مبنعملش حاجه غلط.
ردت عليه بتهكم
-طب لو احنا مبنعملش حاجه غلط... ليه مش عايزنى اخلف منك..
رمقها بحده وهو يقول
-انا قولتلك مليون مره يا دعاء.. انى عايز اخلف منك بس مش دلوقتى.. لما اظبط امورى الأول وافاتح والدى.
-بسسس..
قاطع اعتراضها وهو يضع يده على فمها ناظرًا لعيونها
-دعاء.. انا لما طلبت منك انى اتجوزك انتِ وافقتى.. ووافقتى انه يبقى جوازنا فى السر لحد ما اظبط امورى.
ازاحت يده عن فمها وهيا تقول بغضب
-بس انت قولتلى انك هتظبط امورك بسرعه... وانا وافقت انى اتجوزك علشان مكونش لوحدى بعد ما امى ماتت.. واعمامى كانوا قاطعين علاقتهم بينا بعد ما عرفوا ان بابا كان...........
أنت تقرأ
نصيبي وقدري (مكتملة)
Roman d'amour"لا تعلم متى يأتي نصيبك الذى قد قدره الله لك.. لكن حين يأتي لن تتمكن ابدًا من الفرار منه.. مهما فعلت فسيلقيك قدرك كل مرة في طريقه.. ولن تملك سوى الاستسلام بقلبك قبل عقلك.. ستدرك ان كل ما تفعله وكل محاولات هروبك ما هي إلا وسيلة مقاومة عن الاستسلام لذ...
