أحبك ليس لأنك شئ، بل لأنك أجمل الاشياء وأكثرها ادراكاً لمعاني الجمال، أحبك، ليس لأنك النبض، بل لأنك اصدق النبضات وأكثرها اشباعاً بالنقاء،أحبك، ليس لأنك لست مجرد حبيب، بل لأنك انت نصفي الاخر،انت نبض قلبي.
.........................
تنهد ادم وهو يقول بهدوء
-انا قررت اتجوز شهد ياسر الابنودي.. بنت خالي
صاح الجميع بصدمه
-مـــــيــــــــــــن.....؟!
استعجب ادم من صياحهم ليسألهم بتعجب
ايييه...... مالكم في ايه...؟!
ترك مراد الملعقه من يده واردف بصدمه
-انت بتتكلم بجد..... انت عايز تتجوز شهد؟!
زاد استعجاب ادم من صدمة الجميع ليقول
-ايه يا بابا.... مالك مصدوم كده ليه؟!
نظرت له ناهد بفرحه وابتسامه واسعه وهيا تقول بصوت سعيد
-مصدوم اييه.. لا طبعا فرحان جدا.. مبروووووك يا ابني..، انا مش مصدقه انا عرضت كذا مره انك تتجوز شهد انت اللي كنت بترفض... ايه اللي غير رأيك فجأه؟!
اخذ ادم يلعب بالملعقه امامه بتوتر قائلًا
-هااااه ..لا عادي ....احممم.... لما فكرت لقيت شهد... مناسبه ليه.... وهيا بنت خالي... وانا عارفها كويس
نظر له سيف ورمقه بنظره ذات معني واكمل بابتسامه جانبيه
-وخفت لتروح منك..، وتتجوز حد تاني
نظر ادم بتوعد لسيف بداله سيف بابتسامه مستفزه ورفع احدي حاجبيه
-هو انا قولت حاجه غلط ؟!
ابتسم مراد بسعاده فكم كان يتمنى ان تتزوج شهد احد ابنائه ليقول
-مبرووووك يا ابني... طيب انا هكلم خالك.... ونحدد معاد علشان نروح نتقدم لشهد
اردف كريم بسخريه
-ايه يا حج مكبر الموضوع ليه... ده خالي في الفيلا اللي جنبنا
رمقه مراد باستهجان وهو يعقب
-ما دي الاصول... اللي متعرفش عنها حاجه
نظر له يوسف قائلًا بابتسامه
-مبرووووك يا دومي اخييرا عقدتك اتفكت
عقبالي يارب.... هتف بها كريم
نظر له سيف بسخط معقبًا
-انجح بس السنادي وبعدين اتكلم
.....................................................................................................................
كانت تجلس شهد علي الفراش تضم قدميها الي صدرها وتبكي الي ان اصبحت عينها من اللون الاخضر القاتم من البكاء ثم سمعت صوت هاتفها يصدح بالرنين قامت بجلب الهاتف ورأت اسم صديقتها سلمي اجابت الهاتف واجابت بصوت مبحوح
-الوووو
اجابت سلمي باستغراب
-الووو شهد... مال صوتك عامل كده ليه... انتِ كنتي بتعيطي...؟!
حاولت شهد السيطره على تلك الغصه المتألمه وهيا تقول
-لا... مش بعيط..
اردفت سلمى بعدم تصديق
-متكدبيش يا شهد... انتِ امبارح مشيتي من المستشفي بدري... ده انتِ حته مقولتليش انك ماشيه.... مالك يا شهد في ايه....؟!!
أنت تقرأ
نصيبي وقدري (مكتملة)
Roman d'amour"لا تعلم متى يأتي نصيبك الذى قد قدره الله لك.. لكن حين يأتي لن تتمكن ابدًا من الفرار منه.. مهما فعلت فسيلقيك قدرك كل مرة في طريقه.. ولن تملك سوى الاستسلام بقلبك قبل عقلك.. ستدرك ان كل ما تفعله وكل محاولات هروبك ما هي إلا وسيلة مقاومة عن الاستسلام لذ...
