نصيبي وقدري (مكتملة)

الحلقه العاشره

أنتظر لحظه قدومك لتزهر وجنتاي ويزهر قلبي، ويزهر طريقي لأتأمل عيناكي، اتأمل هذه الحياه بين ذراعيك
...........................
كانت اسماء علي وشك النوم لكنها سمعت صوت طرق علي الباب استغربت بشده "مين اللي هيجي في الوقت ده "
قامت من علي الفراش وجلبت حجابها وخرجت لتري من الطارق نظرت من العين السحريه تفاجأت وقامت بفتح باب المنزل وارتمت في احضانه واخذت بالبكاء -مازن وحشتني اوووووي

تفاجأ مازن من فعلتها وقام باحتضانها
-وانتِ وحشتيني اوووي اوووي يا سمكه ، ثم اكمل بمرح
-طب يابنت المجنونه سيبيني اخش الاول بدل ما حد يعدي ويفهمنا غلط..

ابتعدت عنه وقامت بمسح دموعها معقبه
-خش يا اخويا .

سمعت صفاء صوت قادم من الاسفل هبطت لتري ما يحدث تفاجات بوجود مازن ذهبت اليه مسرعه وقامت باحتضانه بشده
-ابني حبيبي وحشتيني اووي ،واخذت تلمس وجهه وتقبل وجنته
-وحشتيني اووي يا مازن ...انت كويس يا حبيبي....مالك خسيت كده ليه ...انت مكنتش بتاكل كويس

خرجت اسراء من غرفتها وجدت اخيها ذهبت اليه واحتضنته بشده واخذت بالبكاء
-مازن.... مازن.. وحشتني اوووي.

ابتسم معقبًا
-ايه يا جماعه الاحضان والعيط ده كله..، انا مكنتش مهاجر ده هما يدوب سنتين ونص

ضربته والدته في كتفه بضجر
-لا قليل الصراحه كنت كملت ١٠ احسن

-كان نفسي بس صعبتوا عليا....امال فين بابا نايم

ابتسمت صفاء مجيبه
-لا يا حبيبي لسه مجاش عنده شغل

نظر لاسراء فوجدها حزينه نظر لاسماء باستغراب ليجدها تهربت من نظراته.. ثم وجدوا باب المنزل يفتح ويدلف علي الالفي نظر فوجد الجميع مستيقظ تفاجا بوجود مازن، وذهب اليه مازن وقام بتقبيل يده وقام والده باحتضانه بشده

-عامل ايه يا مازن ؟!

اجاب عليه
-الحمد لله يابابا انت عامل ايه ؟!

-الحمد لله
ثم نظر لاسراء متسائلًا باستنكار
-فين دبلتك يا اسراء؟!

توترت اسراء ونظرت لاسماء التى اخفضت نظرها بعيدًا عنها بقلة حيله.. نظر اليها وجدها تنظر لاسماء تسأل بامتعاص
-مالك يا اسراء بتبصلها كده ليه ماتردي...!!

استغربت صفاء وعقبت عليها قائله
-في ايه يا اسراء فين دبلتك من الصبح مش معاكي...

توترت اسراء واسماء ولم يرد احدهم لاحظ الجميع توترهم تسأل مازن في استغراب
-في ايه ما تردي انتِ وهيا...

رمقهم علي بنظره حاده مضيفًا
-هقولك انا.... الاستاذه أختك رمت دبلهتا في وش اسامه بعد ما اتهزق منهم..، لا وفوق ده كله بنت خالتك مدت ايدها عليه.

صدمت صفاء ومازن وتوسعت عيونهم ، اضاف مازن
-اكيد يعني هما معملوش كده غير لو عملهم حاجه