نصيبي وقدري (مكتملة)

الحلقه السادسه

أُحبِك حينما اسمع وقع اصداء صوتكِ علي قلبي، أُحبك حينما تتلعثمين خجلاً علي حروف كلمه احبك، حِينما تمطرُ ،حِينما تثلجُ، حينما تعصفُ احبِك، علي مر السنين والتضاريس احبِك ، حينما تُسافرين بروحي التي تغشاها حُبك.
..................................
دخل سيف غرفة الاجتماعات وجد رجل في بداية العقد الخامس او السادس من العمر كان بجلس وامامه كوب من القهوه يرتشف منها عندما رآي الرجل سيف يدلف وقف له ،نظر له قائلاً باحترام
-اتفضل اقعد حضرتك..

جلس الرجل مكانه وذهب سيف للجلوس علي كرسي اخر امامه ثم رمقه بتسأل
-ممكن مين حضرتك...؟!

اجاب عليه الرجل
-انا صالح المنشاوي..

عقد حاجبيه باستغراب
صالح المنشاوي... صاحب معارض المنشاوي للاثاث صح...؟!

اماء الرجل برأسه وهو يقول
-ايوه..

نظر له باستغراب من زيارته له في الشركه وضع يده علي الطاوله رمقاً اياه بتسأل
-خير حضرتك عايز مني ايه...؟!

رد الرجل بقوه
-ابني...

رفع سيف احدى حاجبيه بتعجب مرددًا
-ابنك....؟!

ضرب يديه علي الطاوله مكملًا بصياح
-عايز ابني يابشمهندس... اللي بعت رجالتك تخطفه

وقف سيف من مكانه واحمرت عيناه محاولاً عدم الانفعال عليه معقباً
-انت بتقول ايه؟!.. انت جاي ترمي بلاك عليا...!!

استمر بضرب الطاوله بيديه قائلاً بغضب وصياح
-انا عايز ابني يا بشهمندس... رجالتك خطفته من قدام البيت..

كور سيف فبضته متسائلاً بتعجب وعدم فهم
-ابنك ايه... وخطف ايييه.. ورجالة ايه اللي بتتكلم عنها....؟!

استمر الرجل بالصياح وقد فاض به الكيل خوفًا ان يكون قد حدث له مكروه
-ابني سامر المنشاوي اللي بعت ادم اخوك يخطفه

حل الذهول على ملامحه هاتفًا
-آدم...؟!!

اكمل الرجل بصياح
-انا جيت اتكلم معاك ودي مرضيتش ابلغ البوليس..."ثم قام برفع سبابته في وجه سيف بغضب وتحذير" بس ابني لو مرجعش النهارده...، بكره تتفضل علي القسم انت وادم اخوك...، اناحبيت اتكلم معاك الاول ومش عايز اعمل مشاكل والموضوع يتعرف... واحنا في غني عن اي مشاكل...

جز علي اسنانه في محاولة للسيطره علي غضبه متسائلًا باستنكار
-انت جاي بتهددني في مكتبي...؟!!

رمقه بنظره حاده مجيبًا
-اعتبرها زيي ما تعتبرها... تهديد...، تحذير....، اللي يعجبك...

ثم قام برفع يده علي راسه وحياه بيده وهو يقول
-سلاااام يا بشمهندس...

وخرج من من الغرفه ليتنهد سيف بغضب وجلس علي المقعد ممررًا يده علي شعره بغضب محدثًا نفسه "امن الممكن ان اخيه هو من فعل هذا... لكن لما..؟!!!" لم يخف من تهديد الرجل لكنه خاف من اخيه لأنه يعلم انه متهور في تلك الامور.. جلب هاتفه ومفاتيح سيارته...، وخرج من الغرفه غاضب بشده حيث انه لو وقف امامه احد في ذلك الوقت لقتله...