Please Come Back II

Six

Rachelle's POV

Nandito na kaming lahat sa bahay nila Christian except lang kay Sarah na wala pa din hanggang ngayon. Inasikaso nya daw muna ang kambal, kanina pa daw sya nakaalis ng bahay siguro ay naipit lang sya sa traffic.

Naghanda kami para kay Sarah, every birthday ni Sarah or before sya mag birthday lagi kaming magkakasama ng buong barkada at nagcecelebrate kami.

To be honest sobrang hinahangaan ng buong barkada namin si Sarah kasi sa kabila ng lahat ng pinag dadaanan nyang pagsubok matatag pa din sya at lumalaban pa din sya.

Naala ko nga dati noong kakabalik nya lang dito sa Pilipinas iyak sya ng iyak sa amin, akala nya daw kasi kapag nakasama nya na daw ang real parents nya ay magiging masaya na daw sya pero mali daw puro daw problema ang dumating pero dahil daw don naging strong sya. Natuto syang tumayo sa sarili nyang mga paa kaya bilib na bilib kami kay Sarah ginawa nyang inspirasyon ang problema nya.

Hindi namin sya iniwanan lagi kaming nakasuporta sa kanya, nakakatuwa nga dahil halos sya na ang nagpalaki sa kambal. Lumaki ang kambal na sobrang bait manang mana sa Ate Sarah nila.

Nakakalungkot mang isipin na si Tita Lea at Tito Aga ay naghiwalay nalang basta.

"Andito na si Sarah!" Sigaw ni Mark kaya naman nagready na kami. Sinindihan ni Yeng ang candle ng cake.

Pagpasok ni Sarah halatang nasorpresa sya. "Happy Birthday to you! Happy Birthday to you! Happy Birthday Happy Birthday! Happy Birthday to you!" Kanta namin, nakita naman naming lumuha ng bahagya si Sarah.

Binlow nya yung candle at sinabing "Thank you guys! I love all!"

"Group Hug!" Sigaw ni Jimmy, sabay sabay kaming lumapit kay Sarah.

"Thank you talaga! Pinasaya nyo na naman ako." Sabi ni Sarah.

"Let's party!" Sigaw ni Erik.

"Opppps! But before tayo mag inom kumain muna tayo! Tara sa dinning area attack!" Sigaw ko, nagtakbuhan naman kami. Para kaming mga batang nakatakas sa hawla. "Yenggay lead the prayer." Sabi ko kay Yeng.

"We thank You Lord, for all you give; the food we eat, the lives we live; and to our loved ones far away, please send your blessings, Lord we pray. And help us all to live our days with thankful hearts and loving ways. Amen."

"Happy Birthday Sarah!" Sigaw ni Erik.

Kumain na kaming lahat ant napuno ng kwentuhan ang gabi namin. After namin kumain nagpunta kami sa balcony nila Christian doon kasi namin sinet up yung mga instruments. Magkakaroon kami ng super mini concert para kay Sarah.

Inakyat ni Mark yung mga drinks na dala ni Sarah sa Balcony at umakyat na ang iba sa taas. Magliligpit muna ako before ako umakyat.

"Ui Sarah umakyat kana don, tatapusin ko lang to then aakyat na ako. Mauna kana sa taas." Sabi ko kay Sarah.

"No, sabay na tayong umakyat, na miss ko kaya ang Best Friend ko!" Niyakap nya ako ng mahigpit  na mahigpit.

"Hmmm alam ko na yang mga yakap na yan eh may ibig sabihin yan. Sige magkwento ka alam kong hindi ka ok, go na makikinig ako sayo habang naghuhugas ako." Sabi ko.