حاطة ايدي جوة خدي الايمن وصافنة على السبورة بملل كوة مفتحة عيوني الدوام الصباحي يشلع الكلب من الستة ونص كاعدة وهسة مجبورة اللوث اذاناتي بلرياضيات
باوعت لصديقتي الي بصفي تباوع على السبورة وترجع تباوع بدفترهة دا تكتب الملاحظات الي تكتبهن المدرسة مال هسة بلمحفظة على هاي كصتهة
هاي اصلا مو صديقتي بس لان اني كصيرة مكعديني اول رحلة كعدت يمهة
لتفتت للجهة اليمنة اشوف اختي كاعدة تعلج وتشخبط على الورقة مالتهة باوعتلي وبتسمت سوتلي حركة بوجهة ضحكتني وياهة
نزيت من مكاني من نضربت الرحلة كمت من خرعتي
المدرسة/ست وهج ممكن تشرحيلي انتي اختج الي ما تحترم احد شنو السالفة الي بيناتكم
وهج/شنو ست
المدرسة/شنو سالفة الضحك الي بيناتجن
شهد/بس اني ماضحكت
وهج/اي صح
المدرسة/مو اني شفتجن بعيوني
شهد/عيونج غلطانة
المدرسة/وتتجاوزين؟!
شهد/الامام علي عليه السلام كال من سكت عن حقه شيطان اخرس
المدرسة/ماشي اني اراويجن حقجن امشن طلعن برا كبل للمديرة
وهج/ست اخر مرة فدوة
المدرسة/كبل للمديرة انتي وهاي ام لسان الي وياج
وهج/ست بس
طلعت شهد من رحلتهة اجتي علية جرتني من ايدي وطلعنة برة الصف
شهد/اصلا الامام علي كال لا تستغرب اذا وجدت طريق الحق خاليا ولذالك لقلة سالكيه
وهج/هههههههه ولج سكتي
شهد/ختولي هاي القندرة شفتي شلون تدور علينة الزلة
وهج/احنة ما ضحكنة احنة ابتسمنة
شهد/معليج بهاي الغبرة هسة احنة وين نروح
وهج/للمديرة
شهد/ككل مرة امشي حياتو
مشينة للمديرة شهد دكت الباب
المديرة/ها شهد شكو هل المرة
شهد/لاني نطقت كلمة الحق
المديرة/وهج؟!
وهج/ها ست
المديرة/انتي هم؟!
وهج/ست والله ما مسوية شي
المديرة/هسة هاي ام لسان كل يوم تسوي مشاكل بس انتي اليوم شجابج
شهد/متورطة وياية
المديرة/ولج بنتي شوكت تعقلين رح تخسرين هاي السنة من عمرج ركزي بدراستج وتركي حركات الولد
شهد/ست احنة ما سوينة شي بس وحدة بتسمت للثانية حرااااام قامت القيامة علينة
المدير/تعالي ماماتي كعدي
اشرتلي على الكرسي الي صايرة كبال كرسي شهد كعدت بخجل لان وراية المعاونة تصير كرايب عمي واستحي من المديرة لان كلش تحبني واني اليوم خربت صورتي كبالهة عدلت شالي
شهد/شنو ست شو ماكو كهوة جاي
المديرة/تادبي ولج
شهد/فصليني فدوة
وهج/لا لا ست فدوة لتفصليهة هاي مخبلة
المديرة/اني متفاجئة منج وهوجة انتي مؤدبة وحبابة ليش اجيتي لهنا
شهد/ماريد اترك اختي وحدهة ف جبتهة وياي
المديرة/ام سجاد روحي اطي هذة الدفتر للمدرسات خلي يوقعن عليه
راحت المعاونة
المديرة/بنات انتن تدرن هاي تنقل كلام لعمجن واني اخاف ياذيجن
وهج/يا شلون ست
المديرة/سئلي اختج الي مسوية نفسهة شي مصارع
وهج/ولج شهد مو كتلج لتسوين شي هذة الدرس
شهد/يابوي شبيج خايفة من هذة عمج الاثول اني احميج
وهج/اش كافي بعد لتحجين
المديرة/روحن جيبن غراضجن من الصف وتعالن لهنا
