كعدت على الكرسي بملل هسة اني شبيدي اذا ماعرف اطبخ
باوعت على البيضات الواكعات بلكاع
وهج بانزعاج/شنو من بيض يتكسر بسرعة اوف منجن
كمت شلت الكشور من الكاع
ذبيتهن لبست جفوف شلت البيت من الكاع واني لعبانة نفسي ريحة البيض دقتني كلللش جبت الجلافة حطيت بيهة شوية مي وتايت وجلفت الكاع وشوية من بوب الكاونت
ر وباب الثلاجة جبت سفنجة ومسحت الوغف الي بلكاع نظفت وفد شوية رح انظف البيت اكيد تروح الزفرة
غسلت الجفوف ونزعتهن لزمت الطاوة غسلتهة حكيتهة حك طلعت الحرگ منهة نشفتهة بملابسي رجعت فتحت النار بس حسيتهة صارت حارة حطيت زيت كوووومة حطيت زيت اليوم رح يصير وزنهم مليون
واكفة كبال الطاوة عاضة شفتي الجواني واضحك بهمس جريت نفس من شخمي راحت الضحكة رحت جبت بيضتين تذكرت شهد تكسر البيضة بحافة الطاسة وبعدين تفتحهة بلنص وتحركهة اي صحيح
طلعت طاسة وخاشوكة ضربت البيضة الاولة نفتحت بلنص كللهة ياااا اني شسويت من جديد وكعت ماهتميت اخذت كلاص مي وخرت البيض الوكعت لحوض السنك راحت بعد محد يعرف بمصايبي كسرت البيضة الثانية بس هل المرة بطريقة صحيحة وسويت اربع بيضات خبطتهن كلهن وذبيتهن بلطاوة وياريتني ما تهيلكت الزيت صار صعاديات طاك طيش طططاااا واني واكفة يم السنك خايفة اروح
شوية وهدء الزيت مديت ايدي من جووة حتى ما انلسع نصيت النار البيضة مطوفة بلزيت على كثر الزيت الي حطيته نغنغت بلدهن جبت جفجير اخاف اكلبهة على الجهة الثانية لزمت الجفجير من النهاية وكلبهة الحمد للللله نكلبت بسلاااامة ماكو اي خسار طباخية مو بشرية هههاااي اني صرت طباخة محد مثلي اصلا اني رقم صفر اقصد واحد بلطبخ
خلصت البيض شلت الطاوة من النار ذبيت الزيت الي يعادل تص بطل كللله بلسنك شكد مبذرة ومسرفة ايباااا وهم الزيت والمي صار طفار اليوم رح احرك المطبخ
اسنات/شكو شصاير
وهج/صباح الخير
اسنات بصدمة/صباح النور شبيج وجهج احمر
وهج/مو جنت دا اطبخ هه تفضلي رح احط الريوك
اسنات/متعرفين تطبخين؟!
وهج/للاسف اي بس دا اتعلم
اسنات/مبين كلش متعرفين تطبخين ليش ما صحتيلي
وهج/مو ادري بيج انتي نايمة
اسنات/اليوم دوام عدي عادي اني اسوي الريوك
وهج/انتي تعرفين
اسنات/اي اعرف بس مو اني الي اطبخ امي الي تطبخ بس اعرف اسوي اكل زين
وهج/الله نيالج على الاقل احسن من كلشي ماتعرفين ستريحي ليش واكفة
اسنات/لا شعدي كاعدة خلي اساتدج كح كح
وهج/اسم الله بيج شي
اسنات/شوية مشكلة عدي كحة لان البارحة عركت ولكفني الهوة
وهج/عدج العافية حبيبتي
اجتي اسنات يمي اخذت الطاوة طلعت منهة البيضة قطعتهة وحطتهة بمواعين صغار طلعت خبز حمته بلفرن الكهربائي رجعت حمت الجاي وصبته بكلاصات نزلو عمي وعمتي من فوك اني صبحت عليهم شكلهم عادي عمي حباب بس عمتي مثكلة وجهة وكالتلي فصلية جيبيلي الشكر عادي ما نصدمت منهة توقعت هل الشي
