من راحت اسنات من يمي رجعت اكمل شغلي رباب الحقيرة مفتنة علية يم امجد وامجد شلون متفهم الله ماكو واحد مثله هسة اني شدخلني بيهم اكو الله يضربهم
سويت الكبابات واني لازمة كلبي خاف ينحركن ويخلوني اسوي واحد ثاني واني ماعرف شلون اسوي خلفة الله على فطومة هية الي سوت الكباب الية بس الحمد لله ماحتركن وخلصتهن بخير وسلامة بس ادية حتركن من حرارة النار والطاولة وطفار الزيت
جبت ماعون جبير شفاف خليت بي مناديل طبخ وحطيت الكبابات عليهن وطلعت التختة سويت زلاطة خس وطمامة وخيار حطيت عليهن عصرة ليمون وزعتهن على طوس والخبز طلعت حميته رتبت المطبخ غسلت عبن الطباخ والسنك هماتين اجتي عمتي
ام امجد/وين موبايلي ماشفتي
وهج/وياية؟!
ام امجد/اي وياج
وهج/اي هذة عمة فوك الحافظة مال الخبز
ام امجد/وينك يغبر صارلي ساعة ادور عليك
موبايلهة نوكية قديم مو مثل هذني الموبايلات الحديثة صحيح اني ماعدي منهم لان حالتنة المادية متقلصة بسبب عمي بس اعرف شنو انواعهن واستخداماتهن لان بس امي عدهة موبايل
نصدمة صدمة جبيرة من حجيت وياية عمتي وما صحيت ولا ضربت ولا رزلت ولا كالت فصلية شهل التغيير؟!
نزلت راسي ومشيت للمخزن فوك كل ما اصعد درجة احس ركبتي اليمنة اطك من التعب والشغل وصلت للمخزن واني مبندددةةةة من التعب اااخ شكد محتاجة حضن امي حتى ارتاح يمهة ايام والله خلتني ابعد عن النفس مالتي ونور عيني الله ينتقم من كل شخص حرمني من حضن امي وشوفة اختي
حطيت راسي على المخدة الله اكبر شكد شعور يجنن ماهتميت للبرد ولا لشعري الرطب ولا للضوة المفتوح الاهم هو اناملي شوية
فجئة نضربت باب المخزن شلت راسي بسرعة شكو من اقتحم المخزن اريد اركز ماكدر النومة بعيوني
امجد/فصلية كومي غسلي ملابسي بسرعة وصفي المطبخ
وهج/عمتي تكول ما يصلح نغسل ملابس بليل
امجد/كتلج هسة تكومييين تغسلين ملابسي يعني تكومين اريد اتسولبهن الصبح
وهج/امري لله اكوم
حجيت كلامي بقلة حيلة فركت عيوني بتعب اجة جر ايدي ملخهة من جسمي
امجد/شنو امري لله قابل انتي بت البيت ودا نكلج كومي غصب عنج؟ انتي هنا خدااامة اعيييدهة حتى تفهميهة اوضح خداااامة يعني وظيفتج تخدمين اسيادج وبس والله محد كلج ساعدي هذاك اخوج الحقير
يحجي وياية ويعت بايدي اني منزلة راسي وكابحة دموعي ماريد ابجي ماريييد ابجيي ماريد ابجي...بجيت كباله ماكدرت احبس البجية
امجد/دموع التماسيح ما يمشن علية يلة تحركي غسلي المواعين والملابس
دفعني لباب الغرفة ياريت لو اكدر اكول انو هذاك الجبان مو اخوية امجد شافني واني واكفة يم باب الدرج واباوع على السطح بخوف عباله اني الي شردت الي كتل اخو المرحوم الروح الثانية لامجد بس اني شنو ذنبي رحت اجيب عباتي اجة هذاك يركض صعد للسطح اجة امجد ورا
