كلت ربع ساعة تص ساعة ويطلعوعهة اشو صارت ساعتين ولحد الان ما طلعوهة وچمالة قسم نسائي يعني مستحيل اكدر ادخل
الياس/امجد
امجد/الياس انت هنا
الياس/ها يمعود بشر شطلع بلمرة
امجد/لحد الان مابين شي حالي من حالك
الياس/اني اتصل عليك دا اكلك على السفرة الجاية ما ترد علية عبالي شو شبيك تصلت على عمي كلي اخذ مرته وراحو للمستشفة كلبت اربع مستشفيات عليك وهاي الخامسة
امجد/زحمت نفسك
الياس/لا يخوي اكيد اجي وياك بهيج محنة شبيهة هية من شنو تشكي
امجد/والله مادري خلصنة غدة كاعدين نتناقش بخصوص الاربعين مال مؤمل فجئة نسمع صوت المواعين تكسرن يابة شكو اسنات صاحت باسم وهج عرفت اكو شي صاير والله العظيم بحيث طفرت للمطبخ بسرعة لكيتهة مغمة عليهة على جتف اسنات احجي وياهة مارد وبس ترجف كعدناهة بلمي وياريت ماكعدناهة ماكو بغير عالم تحجي اشياء مو مفهومة اخر شي كالتلي مخنوكة وكعدت تبجي الرجيف الي لزمهة خلاني اجيبهة للمستشفة
الياس/عدهة العافية ماشتوف شر تعال اكعد ستريح
امجد/انت شلونك
الياس/اني بخير الحمد لله
امجد/شلونهة الشركة وباك
الياس/بنعمة الله اليوم اطيت الرواتب للموظفين فرحو
امجد/الله يقوي حيلك
الياس/تسلم زين دكتورتهة ما طلعت
امجد/محد طلع من ساعتين هسة اريد اطب ماكدر قسم مال نسوان
الياس/شلون سالفة عوصية ننتظر
امجد/هو اني دا انتظر
الياس/افتح موبايلك اهلك دا يتصلون عليك
امجد/ما منتبهله
بهاي الاثناء طلعت الدكتورة تحجي وية الممرضة
امجد/العفو دكتورة اني زوج المريضة وهج شلون اوضاعهة
الدكتورة/اهلا وسهلا بيك استاذ الحمد لله على سلامة المريضة
الياس/الله يسلمج دكتورة شطلع بيهة
الدكتورة/والله بفضل الله وبفضل استاذ زوج المدام كدرت تعيش
امجد بصدمة/ليش السالفة بيهة حياة وموت؟!
الدكتورة/اي استاذ انت تدري جبتهة للمستشفة مابيهة دم
الياس/ياحبيبي!!
امجد/لحظة دكتورة ما فهمت شنو مابيهة دم شتقصدين
الدكتورة/نسبة الدم الي بجسمهة منخفضة لدرجة كلش جبيرة
الياس/ليش
الدكتورة/بسبب فقر الدم الحاد هو الي اثر عليهة وايضا متعرضة لعدة تسربات دم خارجية يعني جروح نزفت هواي وفقر الدم بسبب سوء التغذية هاي اولا ماعدهة اي فيتامينات بدمهة ولا بجسمهة ولا اي مضادات دفاع وانزيم تخثر الدم عدهة منعدم
امجد/وبعد شبيهة
الدكتورة/عدهة هبوط بضغط الدم وفطر دائمي بخشمهة
الياس/امجد شمسوي بلبنية
امجد/والله ما مسويلهة شي حتى اني مثلك مصدوم
الدكتورة بابتسامة/العفو ماتدري؟!
امجد بابتسامة/لا والله
الدكتورة بجدية/استاذ مدامتك منتهية اذا طولت للعصر انت محظوظ
الياس/دكتورة على بختج لتحجين هيج سويتي بية سهال
الدكتورة/اقصد بكلامي لو مطولة للعصر بدون ما تجيبوهة للمستشفة جا ماتت بس هسة احنة انعشناهة
امجد/شطيتوهة
الدكتورة/بطل دم من بنگ الدم على على مسؤليتي لان شفت المريضة ما تحتاج اي تاخير رح تموت اطيتهة ابرة لتخثر الدم وبطل مغذي وعقمنة الجروح الي بجسمهة
الياس/والله انتي تحنطين على الراس يا دكتورة
الدكتورة/هذة واجبنة العفو الحساب يم الاستعلامات
امجد بذهول/تامرين دكتورة
