اليوم رتاحيت لوهج بشكل جبير او الواقع انو اني طيتهة مجال حتى تكدر تستوعبني من بعد الحلم ماكدرت اسيطر على اعصابي ولا على نفسي طلعت حركة كلبي بوهج بس ما اذيتهة ولا ضربتهة ولا حجيت عليهة فرغت طاقتي السلبية بحضنهة
وهج تتصرف على نياتهة وماتعرف شنو الصح والغلط اجتي كعدت كبالي تحاول تشوف شبية ووحدة الغيرهة ادير وجهة وتروح وتكول عسا بابو زايد بس وهج صدمتني من رجعت من جديد كعدت كبالي حضنهة مثل المي البارد خلة النار الي بصدري كلهة تخمد سكتت عاصفة بداخلي طلبت منهة ماتحجي شي وكانه ماشافتني بهذة الحال
حبيت اجازيهة بشي يفرحهة
امجد انت عندك ثقة بلفصلية؟!
اي عدي ثقة بيهة ومن زمان كدرت اوثق بيهة
وشنو الي هلاك توثق بيهة
انت معليك اني بكيفي اوثق ما اوثق انجب واسكت
ساكتين يا عصبي سكتنة
ظلت تگلب بلايباد كبالي كل ما يطلعلهة شي ماتعرفه تطينيا تكلي حباب شوفه يمكن خرب بايدي وكل شوية اكلهة الجهاز جديد ما يعطل بهاي السرعة
اريح عيوني من اصفن عليهة اشوف تعابير وجهة من تفوز بلالعاب تبتسم وهية منزلة راسهة ضوة الايباد يضرب على وجهة بعدين ارد لشغلي ابد ما اطلع صوت ....شفتهة كامت تغفي شلت راسي الساعة بلثلاثة الصبح
امجد/وهج
وهج/ها
امجد/كومي نامي
وهج/سده خاف يعطل
امجد/نتبهي لتوكعين
وهج/لا ابد اصلا اني مصحصحة
راحت للباب ادور على يدة الباب من الجهة الي مابيهة اي يدة
امجد/اي مبين كلش مصحصحة
كمتلهة فتحتلهة الباب صارت ورة الباب تفرك بعيونهة لزمت ايدهة وطلعتهة
وهج/ليش ما بقيت تشتغل اني اكدر اطلع
احجي ويا مايرد وكف بنص الغرفة وكفني كباله
امجد/وين تردين تنامين
وهج/بلمخزن مكاني هناك يعني وين انام
امجد/ليش متنامين هنا
وهج/وين هنا
امجد/اقصد بلغرفة
وهج/لا هذاك مكاني
امجد/نامي هنا اليوم وباجر رجعي لمكانج
وهج/لا لا اني رايحة شكرا على الايباد وشكرا لانك هادء وما ضوجتني وشكرا لان بديت تصير توب وشكرا لان...نسيت
امجد/العفو
وهج/باي..بس حباب باجر هم هيج ظل
رجعت للورة وطلعت من الغرفة سديت الباب وراية ورحت للمخزن طبيت كبل جيتت على الجودلية فتحت اللحاف وتغطيت ونمت الله فراشي الحلو رجعتلك
وهج بنعاس/ههه
الصبح،
الياس/فروسي
فارس/ها
الياس/قبل شوية شفت واحد شبهك يا يابة شكد شبهته عليك ولك عبالي انتي بس طلع مو انت
فارس/اكيد واحد حلو طول بعرض وهيبة ورجولة مو
الياس/لا بچلب
فارس/يا چلب انت
الياس/هههههههههه شلون احوالك
فارس/مو زين
الياس/ليش شكو
فارس/امي تريد تغصبي على ابن خالتي اااهئ
الياس بحزن/يا حبيبي هاي الدنية لازم تتزوج لعد شلون نتكاثر
فارس/بس اني ماريد اخون حبيبي اااهئ
الياس/بهاي حقك تعالي كلبي ابجي على قلبي عسى ولعل اخفف عنك....اااهئ
امجد بصدمة/شدا تسوون
بس سئلتهم بعدو عن بعض عدلو وجوهم بتسمو بوجهي
الياس/تحية الله عليك يا امجد
فارس/نامستي باهيا
امجد/شنو هاي ماستي
فارس/معناهة هلة بضلعي امجد بس بلهندي
امجد/ليش الهنود يكولون ضلعي شهل الغباء
الياس/اي والله غبي تعال حبيبي اني صديقك واخوك الحباب
امجد/انت هم غبي شبيكم تبجون من الصبح الواحد يريد يسترزق على باب الله يشوف وجوهكم ينكطع الرزق
فارس/شنو قصدك اهئ اهئ
امجد/قصدي اشكالكم تطرد النعمة صحيح وجوهكم يعني هاه شوية حلوة بس اطردون الزرق كلت اشوفهم قبل لا اروح لدوامي شفتكم بما فيه الكفاية اروح ارجع للبيت
الياس/لقد جرحت صميم قلبي اااه اه
فارس/الياااااااس
الياس/وسم شبيك
فارس/لتموت
الياس/لا لا الة اموت
فارس/اذا تموت كول متت حتى اعرف
الياس/ماشي...اااهئ امجد لا تذهب انتظر اريد ان اقول شيء
امجد/ليش نايم بلكاع
الياس بخوف/د د دا العب تمارين الصباحية فااارس
فارس/سيدي
الياس/العب شنااااو خمس مرات
فارس/ليش خايف انت؟!
الياس/امجد مايرضة اسوي نفسي ميت يذبحني سايرني ههه
فارس/تدلل
امجد/ولكم بابة كومو
الياس/اربعة....خمسة جيد كوم
فارس/تمام
امجد/شوكت رح تبدون تفكرون تعقلون
الياس/مادري
فارس/ماخاطرة ببالي
امجد/اااخ على غبائكم
الياس/ههه اكلك ضلع وين رايح
امجد/للشركة
الياس/بيمن رح تروح
امجد/بلطيارة اكيد بلسيارة
فارس/انتظر ضلعي عدنة الك مفاجئة
امجد/شنو
فارس/غمض عيونك وتعال وياية
امجد/تاخرت عود من ارجع من الدوام اشوفهة
الياس/لا لا حبيبي لازم انت ويانة وهسة يلة كلبي تفضل ويانة
امجد/وين
الياس/للمفاجئة هههه
امجد/ما مرتاحلكم شنو تردون تسون
