واكفة بلمطبخ اسوي الزلاطة وساكتة مطية ظهري لباب للمطبخ الي تودي للطارمة اني صحيح ساكتة بس مخي يحجي وكلبي يتعارك ويا بخصوص امجد وشنو الي لازم اسوي اتجاهَ اتركه واتجاهله لو اسايره وانسة كرامتي
اني بلشت احس نفسي تتلاشة مادري ليش من اشوفه محتاج مساعدة اكومله واساعده وهو ماذيني جوايته لستاهن جوة ضلوعي ولج وهج خاف هاي خطة منه يسوي نفسه حباب ومتعاطف وياج وبعدين ياذيج اذية جبيرة بعد ما اوثق بي اي ثگلي عليه وبس يجي سوي نفسج ما مهتمة مثل قبل لتنخدعين بي
اي هيج رح اسوي تمام جيد
خلصت تقطيع الخس باوعت للسنك السلة مال الطماطة شفت بصفي امجد
وهج/ناوشني طماطايات اربعة
امجد/اي...اربعة؟
وهج/اي ار....اااامممممجدددد
هستوووني يالة ركزت هاااااه هذة امممجددد؟! لا لا مستحيل
امجد/شبيج
وهج/شوكت اجيت ومن شوكت جنت واكف يمي ماحسيت بيك
امجد/هاج الطماطة اجيت من عشر دقايق هستوني هائها هاي طبتي للبيت
وهج/انت كلت ثلنعش بلبيت وهسة بلهدعش وربع
امجد/شنو مترديني بلبيت اطلع؟
وهج/لا لا شنو ماريدك البيت بيتك تفضل بس اني ستغربت من وجودك ماجنت حاسة بيك
امجد/ستغربتي لو تكهربتي غبية
وهج/اي صحيح
غسل ايديه وطب للبيت حطيت الطماطة صفنت عليهة اريد اقطعهة بس عقلي دايخ اني شبية تخربطت اموري من شفته وهذة كلبي رح يكسر ضلوعي ويطللع من كثر مايددك ولج وهج ثولة نتبهي منه ديري بالج
امجد/ها يمة شلونج
ام امجد/هلة بهل الطلة هلة بوليدي اني برحمة الله انت شلونك
امجد/الحمد لله زين
ام امجد/ها يمة اشوف الضحكة بوجهك
امجد/صدك؟!
ام امجد/وغلاتك على كلبي
امجد/ما منتبه على نفسي ابوية وين
ام امجد/بشغله
امجد/اها تمام
ام امجد/عدك شي وليدي؟
امجد/لا ماعدي شي
ام امجد/متروح تجيب اختك من المدرسة طلعهة من وقت
امجد/اي ليش لا هسة رايح اطلعهة
ام امجد/عفية بيك يمة
امجد/محتاجة شي من برة؟
ام امجد/لا كلشي ما محتاجة
امجد/من رخصتج
ام امجد/الله وياك
نزلت من فوك رجعت للمطبخ لكيت وهج كاعدة تاكل الكلب مال الخس
امجد/بلمناسبة عدي شي مهم اكلج عليه
وهج بفرحة/رح ترجعني لاهلي مو؟!!!
امجد/اني ماكلت رح احققلج احلامج كلت عدي شي مهم اريد اكلج عليه
وهج بحزن/شنو الي المهم
امجد/باجر حظري نفسج ترحين وية ايلان واسنات وفاطمة للسوك شتريلج شكم غرض يفيدنج
بس حجيت وياهة جمدت ذبت السجينة من ايدهة على الميز فتحت حلكهة تباوعلي بصدمة رحت يمهة اخذت الكلب مال الخس من ايدهة سديت حلكهة وطلعت
عزززة من كلي حظري نفسج ترحين وية ايلان واسنات وفاطمة للسوك حسيت كلبي وكف يعني الصدمة نصدمت من صدمات امجد الي يصدمني بيهن اااااااااا ههههههههه ما مممصصددددگة واللللله رح اطلع شوية اتونس شوية اغير جو خارج هذة البيت هاااااااااه
حطيت ايدي على حلكي واضحك واصيح بهدوووء كمت من مكاني كمزت ركصت شوية ثواني ورجعت وهج المؤدبة
