عدلت غرفة اسنات خطية بس يخلص المجلس اكيد رح تجي هنا تريد تشوف غرفتهة معدلة والله هل البنية فضلهة ما انساه ابد
طلعت من غرفة اسنات امشي واكمش بلحايط تعبانة بس لازم انشط روحي امشي واعرج مدري ليش الجرح متازم لهاي الدرجة حسيت بحركة وراية وصوت مفاتيح اني اعرف هل الصوت مفاتيح امجد .... اهووو الغثيث وراية
باوعتله بطارف عيني يمشي وراية حتى ما اشوف خلقته مشيت بسرعة رحت للمخزن سديت الباب وراية بسرعة صرت اكره صوت خطواته مو بس اكرهه وحده
بدلت ملابسي بسرعة اني متعجبة على ظهري مايوجعني ابد مشطت شعري صاير عبارة عن هوووسة ظفرته لبست شالي رحت كبال المراية الموجودة بلمخزن لفيته على ركبتي بدون دنابيس
وصلت يم باب المخزن تذكرت الحلم حطيت ايدي على حلگي ضحكت بخجل طلعت من المخزن صادفت طلعتي وية طلعت امجد باوعلي اني ختفت الابتسامة من وجهي نزلت ايدي من حلكي عدلت شالي على راسي ومشيت انزل جوة هو ظل واكف بباب غرفتهة
من بعد ما حجيت على الياس لان سوة عركة مالهة داعي وية واحد خبل مثله رجعت للبيت بس طببت لداخل البيت لكيت اكو نسوان موجودات بس عددهن قليل من كل عقلي توقعت الكة وهج بلمطبخ تشتغل بس من طبيت لكيت اسنات واكفة يم الطباخ تنتظر الجاي يصير ماسالتهة على وهج صعدت فوك اشوف بنية ناعمة كللش تمشي بسد الحايط ولابسة ملابس ملونة مو اسود باوعت عدل هاي وهج هية باوعتلي بطرف عينهة تمشي ومكمشة بلحايط وتعرج بمشيهة منزلة راسهة بدون اي سبب ظليت امشي وراهة اني اكدر اعبرهة واروح لغرفتي بس ظليت امشي وراهة طبت للمخزن بسرعة رحت لغرفتي شفتهة على هوسة البارحة شلت الغراض من الكاع رحت للفراش عدلته طبيت للحمام غسلت وجهي وادية وطلعت بدلت ملابسي اروح لدوامي تاخر الوقت طلعت من الغرفة صارت طلعتي وية طلعت وهج من المخزن اشوف هاي تضحك وحدهة! معقولة تخبلت؟! لو اكو احد بلمخزن بس شافتني راحت ضحكتهة نزلت ايدهة ومشيت بعيدة عني ونزلت رحت للمخزن فتحت الباب مديت راسي ماكو احد بلمخزن لعد ويامن جانت تضحك؟
وهج/هلاو
اسنات/هلة بضلعتي
وهج/شدا تسوين
اسنات/اغسل الصواني
وهج/متريكة؟
اسنات/اي شوفي اني عفتلج بيضة سلگ تاكليهة غصب عن خشمج فهمتي صايرة عودة اني اذكر شكلج اول يوم اجيتينة بي جانن عدج خدود هسة كلشي بيج ذبلان
وهج/العوض على الله
اسنات/ونعم بلله يلة كعدي عزيزتي
وهج/ولج ماكدر هسة يجن النسوان يكولن وهج صارت تتامر على نسوان البيت
اسنات/دخلي يولن هل الغبرات هنة لو بيهن خير جا ما يكدعن يحشن بلعالم يلة كعدي كبالي شعدج واكفة شكو وراج تنظيف واني نظيفت ضيافة وضيفت اكل واكلت
وهج/يعمري تسلمين سبع عافيات على كلبج
اسنات/تسلملي ام كلب ابيض يلة كعدي
وهج/شكرا
كعدت كبال ميز الطعام حطت البيضة قطعتهة كبالي وجابتلي كلاص حليب قشعر بدني من الحليب شلت عيوني لكيتهة تباوعلي ضحكت على نظراتهة الية
اسنات/تشربي وكلله
وهج/نكدر نستبدله بجاي
اسنات/اشش ممنوع
وهج/حاظر ههه
اسنات/عفية ههه يلة هاج خبزة اكلي
وهج/شكرا حبي
اسنات/العفو كلبي
