احس بشي دافي متقطع على كصتي شنو هذة الدافي
حركت راسي بانزعاج ضميت وجهي بشي كله عطر لا كافي الوضع صار مشكوك بي
فتحت عيني وشلت راسي عيوني حولن يمة هذة منو يمي رجعت راسي للورة بخوف اريد اركز واشوف مني يمي
هذة امجد؟! هااااه امجد بعده هنا شكو شعجب اجة يمي
بعدت شوية عنه ماكو محاوطني باديه ونايم ثاري هاي انفاسه على كصتي
بعدت شوية شوية عنه فجئة فتح عينه باوعلي جمدت بمكاني بسلا رح يكلي شعدج يمي وهو اصلا جاي يمي يارب مايرجع امجد القديم يارب يارب
امجد/ممكن اليوم متحرميني من نومة عيني
وهج/ليش اني كل يوم شمسوية
امجد/ماخذة النوم والراحة
حجة كلامه وجرني عليه حط ايده جوة راسي ونام على المخدة شبكني الرجال بي شي رجع نام ماريد ابقة هيج عيب الخجل اكلني اكل
حطيت ايدي على كلبي يدك سريع حطيت ايدي على كلب امجد يدك بهدوء ليش بس كلبي هيج يدك بسرعة
هسة شلون اريد اكوم اليوم القراية مال الاربعين ولازم اكوم اجهز الصالة وانظف البيت واسوي غدة واحظر التسكرة مال النسوان واسوي الطارمة البرة واكعد اقوي بكلبي حتى يتحمل مغثة رباب وفردوس وهسة امجد مجلب بية
اخذني الواهس وية امجد غمضت عيوني شوية اخذ بعد نومة ماطول بعدني نعسانة شوية
فتحت عيني من سمعت الباب تندك تقابلت عيوني بعيون امجد ثنيناتنة كعدنة امجد شال عيونه يريد يشوف منو
فاطمة/اوو هه اخذو راحتكم ...عرسانة نايمين خليهم
اسنات/عرسانيش؟
فاطمة/اخوج ومرة اخوج هه
اسنات/امجد ووهج؟؟!!!
فاطمة/اي ههه
اسنات/يا صلوات على محمد وال بيت محمد امجد يم وهج كاعدين نايمين
فاطمة/غافين
اسنات/اهم شي مدا يتعاركون الف الحمد والشكر الك يااااارب احبك يا ربي امواااح
فاطمة/هههه ثول
اسنات/انتظري خلي اسجد بلكاع ك شكر لله
فاطمة/اي عفية سجدي هههه
اسنات/شكراااااا
فاطمة/اشش ولج نايمين خطية
اسنات/اي صحيح ربي بعد اريدك تطلعني من التعذيب اقصد سادس ربي اني هنا باوعلي فدوة اوزع حلال المشاكل اذا طلعتني راضية اصير زبالة اصير خياطة واقبل باي شغلة بيهة خبزة حلال بس كضيلي هاي السنة احبك يا ربي حبيبي انت
فاطمة/هاي فقدت على الدعاااء ولج كومي
اسنات/اي كمت شبيج ياكافرة دا احجي لربي عن معاناتي
فاطمة/امشي ثولة
وهج/منو اجة
امجد/فاطمة
وهج/هااه عزة تاخرت عليهن
امجد/شنو تاخرت ماكو تاخرت
وهج/مافهمت
امجد/ابقي نايمة
وهج/لا لا اليوم القراية مال الاربعين
امجد/اي عود القراية الظهر
وهج/واني لازم اكوم احظر للظهر بعد مالحك
امجد/وهج..وههججج
وهج/ها
امجد/اكعدي بمكانج لتعصبيني
كعدت بسرعة عفية هيج اريد تسمعين كلام هه كعدت كبالهة فركت وجهي بايدي
امجد/اول شي نمتي بشكل صحيح؟
وهج/اي هسة يصير اكوم
امجد/لا مايصير...هم ضوجتج بنومتي
وهج/لا ابد
امجد/لعد كومي غسلي وبدلي اريد انزل الكة العباية على راسج حتى نطلع
وهج/هااا
امجد/شبيج
وهج/شوف اني هذة الشي هواي علية انت خاف ترجع مثل قبل فدوة كلي شبيك
امجد/مابية شي كومي سوي الي اكلج عليه
وهج/وين رايحين
امجد/نركص ونرجع
وهج/نركص؟! ليش نركص مو عيب
امجد/اني بكيفي انتي معليج كومي طلعتي روحي من الصبح
وهج/كايمة اهدء لا تعصب
