امجد/بنيتي اسنات
اسنات/هلاو
اشرتلي بايدهة وهية مبتسمة رحت كعدت يمهة لزمت جفوف اديهة باردات كلش بست اديهة نزلت راسهة
امجد/رجلج توجعج
اسنات/لا بس خفت اني وحدي بين زلم
امجد/شلون نضربتي
اسنات/طلعت من بيت صديقتي هية مو بيتهة على الشارع اني منزلة راسي وامشي والله باوعت خاف اكو سيارة جاية باتجاهي وماشفت اي سيارة فجئة واني اعبر سمعت صوت بريك قوي بس لتفتت اجتي سيارة بوجهي رجعت للورة بشكم خطوة بس رجلي نضربت اخر شي ندفعت ووكعت بلكاع اجة رجال كومني من الكاع شافني ابجي هدئني وصعدني ويا بلسيارة كبل للمستشفة هنا للطوارئ اجة هذة الدكتور الي شعره اسود وابيض ضربني ابرة مسكن اوجاع وجبسوهة لرجلي اجة نفس الولد الي كومني من الكاع كلي ماحافظة رقم طيته رقمك وهسة انت اجيت امجد شوف رجلي تجبست
امجد/الحمد لله على سلامتج ميخالف تطيب بسرعة وان شالله تكومين بلسلامة
اسنات/هم ضربت الي ضربني
امجد/ذكرتيني اكوم امسح بي كيعان المستشفة
اسنات/لا لا ههه خوية اكعد اني الصوج مني اني جنت منزلة راسي وعبرت على بداية الشارع هو رجال يمشي بطريقه
امجد/لو صاير بيج جا شكول تردين تموتيني
اسنات/لا اسم الله عليك يلة قضاء وقدر شبيك بيني وبينك جنت اتمنة اجرب شعور الكسر هسة جربته ههه اخ شو توجعني رجلي من اضحك
امجد/بنيتي الغبية اخذتي كلبي وروحي يمج
شبكتهة بست راسهة بعدت عني
اسنات/امي عرفت
امجد/محد يعرف بس اني والياس
اسنات/هسة الكاهة متصلة علية
امجد/وانتي وين عايفة موبايلج
اسنات/بلبيت نسيته ماخذته وياية
امجد/يا بيت بيتنة؟
اسنات/اي
امجد/هسة اخابر امي اكلهة يمي
اسنات/اي فدوة ترة امي تخاف...وهج وين
امجد/يم بيت اهلهة
اسنات/امشي نروح نجيبهة
امجد/تحتاجين تبقين بعد
اسنات/لا محتاج اني تمام هسة
امجد/لعد يلة نكوم
الياس/تدرون لو توصل السالفة للشرطة متخلصون من السالفة الة ورة شگبان سنين مخدرات وكبسلة سودة بوجوهكم منين جبوتهن وقتلتو شاب بعمر الورد وبت عمكم راحت فصلية نيابتا عن اختكم تدرون لو امجد يعرف شيسوي بيكم
شهد/هذة شنو اسمه
وهج/الياس
شهد/ليش صارله ساعة يهدد بامجد
وهج/انتي ما شايفة امجد شيسوي
شهد/اريد اشوفه
وهج/اذا اجة اخليج تشوفي
شهد/هذة قبيح شنو وظيفته ضابط محقق؟
وهج/لا ولج مو ضابط ولا محقق عده شركة مثل امجد
شهد/شوفي عسل صارت صفرة خخخ
وهج/سكتي
شهد/شبيك ولج خلي نضحك عليهم شوية
وهج/مو خطية
شهد/نجبي ونلصمي
وهج/وللج
شهد/اشش حترمي اختج الي اكبر منج
وهج بملل/بيوم
شهد/حتى لو بدقيقة اني اكبر منج
وهج/شلونج بلدوام
شهد/البارحة اخذت ورقة الرياضيات اخذت 89 والله وتدرين بية ماحلف جذب
وهج/اي عفية بعد كلبي هيج اريدج لهلوبة بلدراسة
شهد/لخاطر عيونج وعيون امي دا ادرس تدرين بية اكره المدرسة
وهج/ميخالف كلهة شكم يوم وتخلص وتصيرين مدرسة اسلامية
شهد/محامية
وهج/شعجب تاخذين وظيفتي المستقبلية ههه
شهد/اريد اطلع ابوية باسرع وقت
وهج/ان شالله نطلعه باسرع وقت
شهد/خلي نشوف قبيح شدا يحجي
وهج/ههه شلون بيج وبلسانج
شهد/ماكدر اسكت
