راحو وهدئت المنطقة صار كلشي هدوء كلبي هدئن دكاته باوعت على شهد جاية من المطبخ نزعت عباتهة كعدت بصف امي حطت عباتهة بحضنهة
وهج/شهد راحو
شهد/اي ولو يمة شفتي هذة المخبل شلون طب للبيت يدور
وهج/بس خطية ابنهم مات
شهد/طبه عرج احنة شعلينة
عسل/ماما رجب مو بغرفته
شهد/هذة شرد
ام ايوب/احسن راح شرد يمة جا اذخو ابني مني
ام شهد/ابنج الثاني بلسجن
خترعنة للمرة المليون بهاي الساعة من عمي طبك باب البيت كامتله مرته راحت تكملهة
ام ايوب/ابني ايوب اريده يمي
ابو ايوب/ترحين من وجهي لا ابتلي بيج واطلع مصايب ولدج العارات وظيم الدنية كلهة بيج
ام ايوب/سوي اي حل محامي قاضي اي شي طلع ابني من السجن
ابو ايوب/طلعينة من سالفة العشاير
ام شهد/عشائر؟!
ابو ايوب/اي صارت سالفة شعاير ويامن يطلعنة هذولة ناس شرة
شهد/شنو عشائر
وهج/اي صح نفس السؤال
ام شهد/صبرن يمة خلي نفهم...ابو ايوب هسة شتتوقع شنو الي رح يصير
ابو ايوب/اكيد فصل لو يصير الدم للركب اني منين اجيب فصل بميت مليون واكثر
عسل/بابا فصل يعني فلوس؟
ام ايوب/اي فلوس
عسل/ياا احنة منين نجيب هيج ملايين
وهج/يمة شنو فصل
شهد/اي يمة شنو
ابو ايوب/ويمكن احتمال مو اكيد احتمال يردون فصلية عن راس ابنهم
ام ايوب/يااربي اااهئ لا كلشي الة بتي هاي روحي من الدنية
عمتي جرت عسل وشبكتهة امي لزمت ادينة اني وشهد خلت شهد تكعد بمكانهة باوعت على امي شفتهة صفرت اديهة بردن باوعت لشهد وشهد باوعتلي شكو؟!
ابو ايوب/لعد اذا متطين بتج شطيهم اتي؟
ام ايوب/دبرلك الفلوس اداين من ابو انس او ابو شيماء
ابو ايوب/وهم ما يكفوني لازم اسحب قرض
ام ايوب/اي فدوة ابو ايوب هذولة ضناية ماكدر بلاهم اااهئ
عسل/ماما شنو فصلية هديني خنكتيني
ام ايوب/روحي صعدي فوك لغرفة وبعد ابد لتطلعين
عسل/اي هسة شكو شنو فصول
ام ايوب/سمعي الكلام وصعدي بسرعة
عمتي دفعت عسل خلتهة تصعد فوك عمي طلع من البيت عمتي راحت للمطبخ تبجي
ام شهد/يمة شهد
شهد/ها يمة
ام شهد/اخذي اختج وروحن اقرن فوك
وهج/يمة شنو يعني فصلية شبيهة عسل؟
ام شهد/هيج سالفة روحن يمة ابد لتنزلن
وهج/صار
شهد/امشي وهج
كمشت بايد شهد وكمت امشي صفح لان رجلي توجعني صعدنة فوك عقمت رجلي وشديتهة شهد تروح يمنة ويسرة تريد تعرف اني نفس فضولهة بس كاتلته بسكوتي اكو شي هاي كلمة فصلية خلت امي تصفر ياساتر ياربي هذولة اهل الولد شنو الي رح يسوو
صارت الساعة بلخمسة صخنت بسبب رجلي من كثر ماذبت دم صخنا بس ماحجيت ردت انزل جوة اشوف امي ماكدرت ظليت متمددة على الفراش شهد نامت على فراش امي لان شافتني الوج بفراشي عبالهة منزعة من وجودهة
جنت بلمكتب دا اشتغل اتصل علية مؤمل
مؤمل/امجووودي
امجد/خير
مؤمل/اكو احد يستقبل اخوه الصغيروني بهيج نبرة
امجد/مؤمل احجي شرايد عدي كومة شغل
مؤمل/تعال اخذني لبيت عمي
امجد/ولي
مؤمل/لا لا بشرفك لا تسد الخط امجد والله العظيم سيارتي بنجرت لو اراويك البنجر جا تصيح يبووووو
امجد/حيوان
مؤمل/شكرا...اي حباب تعال اخذني واني مصفر بس ربع بجيبي
امجد/ليش ماخذت فلوس مو عدك راتب
مؤمل/امجد تعال اخذني مو رح اموت من الوكفة والشغل
امجد/جايك
مؤمل/فديتك يازعييييم تعال اني كبال المكتب مالتي
امجد/ماشي انطرني شوية واكون يمك
مؤمل/تمام باي
