اخر شي اذكره جنت دا ارجع المواعين لمكانهن للكاونتر اجتني دوخة شفت الكاع صارت فوك راسي وجسمي ثكل رجلية بعد ما يحملني وكعن المواعين من ايدي ساندت نفسي بلكاونتر سمعت صوت اسنات تنده باسمي وبعد ما سمعت اي صوت من بعدهة بس فتحت عيني بلمستشفة شلون اجيت ومنو جابني وبيا مستشفة كلشي ماعرف فاقدة الذاكرة
حجت وياية الدكتورة بصوت هادء تمسح على ايدي شكو
الدكتورة/الحمد لله على سلامتج حبيبتي
اريد اكلهة الله يسلمج ماعدي طاقة
الدكتورة/لتحجين حبيبي انتي تعبانة رجعي غمضي عيونج ونامي
ولكم هاي دكتورة لو حور العين اني بلجنة لو شنو صارلي زمان ما سامعة هيج نبرة صوت حنونة وهادئة وبحة صوتهة حلوة والله قتنعت اني بلجنة وخلصت من الدنية...بس كعدني الممرضات يلة كومي رجلج ناطرج عرفت اني بعدني عايشة عوع لو ميتة احسن
شكد تعبانة حتى كلام ماعدي مهجة احجي اريد انام تعبانة والدوخة بعدهة لازمتني عدي لعبان روح جسمي يوجعني ومكان الجروح يحرگني
طلعوني يم امجد امجد اخذني طلعني من المستشفة يحجي وياية وماكدر ارد عليه والي بداخلي يكلي لتردين عليه تركيه يتعذب شوية اباوع للشارع والله نسيت اكو شوارع وناس عايشة حياتهة طبيعي الة اني رح اطب شهر اني منعزلة عن امة محمد كلهة
وكف السيارة بمطعم اجة ابن عمه الياس بس سئلني شلون صرتي كتله زينة امجد ظل صافن شلون احجي وية الياس وهو صاله ساعة يحاول يحجي وياية مايكدر لزم ايدي وساندني مشينة للمطعم اكو واحد ينغصب على الاكل غصببب تاكلين شربت شوية شوربة امجد لزم ماعوني كله حطه بحلكي غصب ونص من اكله الياس يشجع بية هو الاكل طيب بس اني لعبانة نفسي ماريد اكل
بس والله من بعد الاكل استعدلت احوالي يعني احنة بعدنة بكراح المطعم كدرت اوكف وحدي واحسب السيارات اجة امجد جرني من ايدي راد يطببني السيارة كتله هذة الكرسي التجوة مالته ما ترجع للورة هو نصدم وتفاجئ مني لان حجيت ويا ماكال لا رجعه للورة الله اكبر شكد يخبل هذة الكرسي اجة امجد من برة فتح تدفئة وطلعنة الهدوء الجميل بيناتنة بس اسمع صوت انفاس امجد طلبت منه ينزل الجامة نزلهة الله شلون هوة بارد وحلو النومة اجتني غصب عني
وصلنة للبيت اجو ابوية وامي واسنات يتراكضون اشرتلهم اهدئو ترة نايمة اسنات فتحت الباب وهج شالت راسهة مستغربة
بس شافت اسنات بدة البجي ثنيناتهن وحدة شابكة الثانية امي حطت على جتاف وهج غطوة حتى ماتبرد طببوهة للبيت قفلت السيارة نزلت ادويتهة وطبيت للبيت عرفتهة بغرفة اسنات
امجد/واخر شي عدهة فطر دائمي بخشمهة
اسنات/يعني شنو فطر دائمي
امجد/يعني رح يستمر وياهة طول عمرهة اذا ينضرب خشمهة بشي بسيط ينطگ دم
اسنات/يا حبيبتي
امجد/لازم تنامين
وهج/ماريد
ابو امجد/لا بوية نامي ورتاحي خلي الدم يتحرك بصورة صحيحة بجسمج
امجد/بس قبل كلشي اخذي دواج
كعدت كبالهة اسنات وخرتلهة شعرهة عن وجهة امي ناوشتني كلاص مي فتحتلهة الادوية طيتهة ادويتهة
