شهد/شلونك عمي
ابو ايوب/خير شرايدة
شهد/ششش صوتك نتبه ترة مرتك جوة نصي حسك
ابو ايوب/شرايدة احجي؟
شهد بابتسامة/جاية اخذ كليتك وابيعهة واتبرع بفلوس كليتك للفقرة
ابو ايوب/شدا تحجين ولج
شهد/بكل اختصار مختصر اريد منك تتصل على الي اخذ وهج فصلية اتوقع اسمه مجيد
ابو ايوب/امجد
شهد/اي امجد صحيح اريدك تتصل عليه وتطيني احجي وية اختي
ابو ايوب/هههههه وانتي هلكد متاملة مني اطيج الموبايل تحجين وية اختج الفصلية
شهد/اكيد ادري بيك تخاف على روحك منهم بس غصب عنك رح تطينيا
ابو ايوب/متاكدة؟ هههههههه
شهد/تعرف كلثومة؟
بس سئلتهة على كلثومة ختفت الضحكة من وجهَ صفن بوجهي وهو فاتح كل عيونه اشرتلهة بعيوني ها شبيك؟
ابو ايوب/شوصلج لكلثومة
شهد/بسيطة رحتلهة هددتهة خليتهة تزوع الاول والتالي هسة كل البلاوي الي سويتهن يمي
ابو ايوب/نجبي حقيرة ادبسز اليوم ماتبقين بلبيت لا انتي ولا امج
شهد/ههههههه تدري بس اكلهة لمرتك انت مارح تبقة بلبيت ورح تطردك وانت تعرف شنو تسوي بيك مرتك يا عمي الخاين
ابو ايوب/ابو س ايدج عمي بداعت اختج وابوج لتكليلهة هاي جلب مجلوب علية ابوس اديج وجه وگفة لتحجين شي صيري مثل وهج ما حجت اي شي
شهد/لعد اذا متريدني احجي خليني احجي وية اختي واطمت عليهة
ابو ايوب/صار من عيوني هاي قبل هاي رح اخليج تحجين وياهة بس اجيب رقمهم والله العظيم مسحت ارقامهم من موبايلي
شهد/كدامك مهلى كلش قصيرة بس يطفح الكيل عندي كول بيباي لسمعتك ماشي عموو
ابو ايوب/ماشي باباتي حبيبتي من عيوني تدللين
شهد/تمام عفية بيك صير هيج دائما
وخرت ايدي بقرف اجة يبوس بايدي مذلول حيل والله لاراويك نجوم الظهر مايطلع اسمي شهد
من بعد ما خلصنة عشة اني وعمتي هلكا من الشغل صعدت فوك
امشي واني تعبانة لحد الان اني ما سابحة
دكيت باب غرفة امجد واني تعبانة حطيت راسي على الباب واني مغمضة فتحت عيوني من صاح شراااايدة؟
وهج/عمتي تكول تعال تعشة
امجد/روحي منا
وهج/اكرهك
مشيت للمخزن فتحت الباب وطبيت
وهج/هو اني قبل شكم يوم سميته باسم بس نسيت هيج اسم يلوگ بي ...نسيته يربي شنو اسمه .....الشيطاااااان
طلعت من الغرفة دا انزل اتعشة سمعت وهج صاحت الشيطاااان مشيت للمخزن فتحت الباب لكيتهة كاعدة بلكاع وتدور بملابسهة
امجد/طب بيج جن
وهج/ه ها؟!
امجد/شوية بدون صوت عالي لا اخفيه الج ادبسز
وهج/.....
طلع وطبك الباب حيييل ورا شكو هذة شبي يريد يسوي مشاكل ويدورهن دوارة؟!
اخذت دشداشة سودة ومنشفتي طلعت من المخزن مشيت للحمام سبحت بسرعة وطلعت حتى مادري شلون سبحت لان منين ما احرك ايدي جسمي يوجعني
بس طلعت من الحمام اجة امجد بوجهي رجعت للورة حتى افسحله مجال
يباوعلي بنظرات باردة وراح لغرفتهة مبين عليهم خلصو عشة اروح امشط شعري حتى انزل اغسل المواعين
