احس ببرودة بكل جسمي فتحت تك عين شكو هل البرد كوة مفتحة عيوني
شفت نفسي نايمة على الكاع وعافية الجودلية ثول
كمت من الكاع ظهري يوجعني بديينة بعدني ماعرف اني منو بديت توجعني
اخذت نفس وطلعته بقهر كل هذة الحجي وبعدني باول اسبوع شوكت تفررررج
حكيت راسي طلعت بشعري حركة كلبي فركت عيوني حيل مديت ايدي جريت الگتر مال شعري لفيت شعري مدري شلون وكمت صرت اعرف هذة وقت الكعدة دماغي وحده يكعدني
طلعت من المخزن اقبض وافتح باصابيع ادية لان باردات وخدرانات نايمة عليهن ليش لان نومتي المفضلة على بطني
رحت للحمام غسلت وجهي وطلعت رحت لغرفة امجد وصلت للباب عدلت ظهري فتحت عيوني اخذت نفس وفتحت الباب طبيت للغرفة ما لكيته بس ضوة الثرية مفتوح باوعت على السويج مالته موجود الكنتور ما طالعة منه الملابس حتى يدل على انه طالع لعد وينه
ردت اطلع من الغرفة بس شفت جوة باب المكتب مالت ضوة طالع
المكتب ينفتح الضوة بس يستشعر اكو احد جوة لعد هو بلمكتب
رحت مشيت للمكتب فتحت الباب لكيته نايم على الكرسي مال مكتب هسة اكعده لو لا؟
كطعت نفس ومشيت لداخل المكتب عاصرة اصبعي الابهام متوترة وخايفة منه اني اول تالي اخاف من احد
وهج/امجد...امجد
شال حاجبه وفتح عينه باوعلي وبعدين حول نظره على الحاسبة مالته مبين جان غافي مو كلش نايم
وهج/امجد اكعد ترة صارت الساعة بلستة
امجد بانزعاج/سكتي صوتج مزعج
وهج/...
امجد/روحي منا تعالي بلستة ونص كعديني
وهج/صار
لتفتت للورة شفت الحايط الي متروس صور مالته ومال المرحوم وبنية حلوة وياهم وصور الهة وحدهة لك شنو هاي البنية اية من الجمال سبحان الي خالقج
حسيت ايدي نجرت من ورة شهكت من خوفي
امجد/مو كتلج روووحي
وهج/اي هسة رايحة
امجد/اي هسة رايحة؟ لعد ليش نصبيتي هناااا
وهج/طالعة والله طاالعة
امجد/كبالي طلعي يلة
دفعني اطلع هذة شبي؟ اكص ايدي اذا طلع مابي شي
طلعت من الغرفة ايدي يمكن نفصخت بعد ماكو ايدي وكبر شلون واحد متوحش الشيطان يتعزز من خباثته
نزلت جوة الرجفة بعظامي هذة اكسبه؟ والله حتى امهة وابوه الي هم خلفو مايكدروله النوب اني شنو مخبلة عاقلة احاول وية الشيطان؟
فتحت باب المطبخ اجاني هوة بارد على وجهي الله ربي افيييش هواك ختنكت من خوفي
صرت اخذ شهيق وزفير بس اريد اطمن نفسي بتسمت على البرودة نزلت دمعتي بحسرة ختفت ابتسامتي نزلت راسي وبجيت حطيت ادية على وجهي وبجيت صدك متاذاية ومدا ابالغ صارن دموعي يطلعن من بين اصابيعي ويوكعن بلكاع
جنت دا اشتغل اليل كله على السفرات الجاية مال الشغل لازم اطلع عكب باجر سفرة لمدة سبوع حتى تتحسن احوال الشركة حتى ما افلس
غفيت من كثر التعب جان مؤمل يساعدني هسة الشغل بس علية
اسمع صوت ناصي يمي امجد..امجد فتحت عيني شفت الفصلية واكفة فوك راسي كرهت صباحي بسببهة وبسبب صوتهة وشكلهة كتلهة تروح وتكعدني ساعة ستة ونص شلت راسي لكيتهة صافنة على صور ديانة خلتني افور دمي صار يغلي حتى اني بحد ذاتي ماعرف ليش صرت عصبي جريت ايدهة شهكت وجهة صار اصفر دفعتهة وطلعت من المكتب رجعت كعدت على الكرسي غمضت عيوني صار صوتهة ينعاد باذاني ضربت الميز وكمت اروح اتغوسل احسن من هل المهزلة
