وكف فوك راسي اني منزلة راسي كابتة انفاسي كوة الدموع بعيوني
اباوع على جف ايده الي هسة رح يضربني بي غمضت عيوني حسيت دموعي وكعن على جفوف ادية الي شابكة اصابيعي خايفة ومرتبكة بس لازم اظل قوية
ما مرت دقيقة وحدة على وكفت امجد كبالي ما تحملت حطيت ايدي اليمنة على وجهي دهكت وبجيت كبالهم ماعدي دليل يثبت اني ما حاجية هيج كل الدلائل وية رباب ومكملتهة بلتمثيل اثير
حسيت بشي حار على ايدي اليسرة فتحت عيوني من نص الدموع شفت امجد لازم ايدي مشة وجرني ويا يمة وين رح ياخذني؟! فوك يخلص علية؟!
حسيته جرني شوية بمعنة امشي بسرعة اخاف امشي ماريد اروح خايفة اباوع على رباب تمسح دموعهة وتباوعل وهية مبتسمة والحقد منتصر بعيونهة اعاين عمتي حاطة ايدهة على حلكهة والدموع تنزل من عيونهة ام رباب تباوعلي وهية رافع حاجبهة
وهج بصوت مبحوح/امجد انتظر حباب والله ما حاجية شي
امجد/ششش
جرني ورا مشيت بسرعة ويا طب للغرفة وطببني ورا يارب انصر المظلوم ماعدي غيرك
طببني ورجع قفل الباب لتفتلي ونزع الحزام الفىمليون الف اجتي ببالي شمر الحزام على الفراش وفتح اول دكم قميصه
اجة وكف كبالي لزمني من جتافاتي رجعني للورة كعدني على كرسي
راح كعد كبالي على الكرسي المقابيلي
امجد/ماكو بايدي شي وبعيد عنج احجيلي بس ياويلج اذا جذبتي اني الحقيقة كلهة يمي
وهج/والله العظيم ما سويتلهة شي ولا حجيت وياهة هية تلوحگ وراية اهئ اروح اطمن على اسنات تجيني هية واختهة تكلي اهئ من شوكت الفگريات يخافن على بنات العوائل الجبيرة امجد مو انت تعرف الحقيقة والله العظيم كتلهن اي انتن شعدجن خايفات على اسنات سكتن بعد ما حجن وياية اهئ مو انت هيج تعرف؟ هاي اني دا اگلك كل الحقيقة وداعت اسنات لو اني صدك هيج حاجية ماضم عليك واكلك الرجال راح لرحمة الله اني بيا حق اجي احجي عليه حتى لو بسببه اخذتوني فصلية لساني ما ينطق كلمة مو زينة على رجال راح لدار حقه والله يرحمه خلصت مسح البيت اجتني هاي الي اسمهة رباب تغسل مدري شنو على السنك دفعتني واني واكفة دا اغسل ادية على السنك كتلهة والتالي وياج شوفي ولج ترة تحملتج هواي والله بس هيج كتلهة ومو بس هيج حتى حطت السجينة على خصري والله موتتني بس سكتت على تصرفاتهة عفتهة وطلعت اغسل الطارمة واني ابجي من خلصت كلشي غسلت وجهي راحن معالم البجي الي جانت بوجهي حتى اثبت شي دليل علية بس للاسف لحد الان ماعدي دليل
احجي واشاهك واناشغ وادهك هو صافن بوجهي
امجد/وين خصرج خلي اشوفه
وهج/ه ها؟!
امجد/شنو ها اريد اشوف الي حجيتي عنه
وهج/مو
امجد/سمعتيني شكلت؟
وهج/دير وجهك حباب
امجد/لعد شلون اشوفه يلفهيمة
وهج/اروح اغير دشداشتي واجي
امجد/وين رايحة
وهج/...
امجد/استغفر الله روحي غيري ملابسج وتعالي
وهج/ماشي
