وعدة هل السبوع على خير يعني نص ونص حالي كل يوم عركة وية امجد عادي اصلا هذة السبوع كلشي ما تغير بي لو يكول كل الايام نفس القرص دا ينعادت بس ماعدى اول 3ايام بهذة السبوع امجد جان زين وياية لان جنت مريضة وتعبانة
امجد/يمة بعد سبوع على اربعين مؤمل محظرة روحج
ام امجد/لا والله يا يمة كلشي ممحظرة ماعدى الختمة مال الحبيب
اسنات/فاطمة تجي يوم للثلاثاء حتى تبات يمنة اربعاء وخمس وجمعة
ابو امجد/هلة بيهة هية وبزرهة ورجلهة
امجد/المن تاخذون بلاربعين
ام امجد/خالاتك ونسوان عمومتك وعمومتك وخوالك وشكم مرة من گرايبنة
امجد/يعني شكم نفر
ام امجد/هواي يمة خمسين نفر
امجد/وتكلي امي شكم مرة من كرايبنة يمة حبيبة انتي عازمة المنطقة كلهة؟
ابو امجد/ناخذ السيارة الجبيرة ونخلص لان هم البنات الشابات والشباب ويانة
اسنات/على طاري البنات الشابات اني اريد وهج وياية
امجد/وليش ترديهة وياج؟
اسنات/لعد تريدنة نعيفهة من الفجر لليل وحدهة بلبيت
ام امجد/اي يمة كلام اختك صحيح
امجد/ماتروح ويانة ممنوع يعني فوك ما هية فصلية واخوية مات بسبب اخوانهة تردوهة تروح ويانة
ابو امجد/امجد ابني شبيك لعد بت الناس وين تظل
امجد/تظل بلبيت
جنت فوك امسح الممر اسمع كلام امجد لان صوت عالي ستهضمت يريد يبقيني وحدي بلبيت وصلت للدرج مسحته ونزلت وكفت كبالهم
وهج/عمي عمتي اني ابقة هنا ماعدي لي مشكلة عادي اصلا اني ماروح زيارات لان اضيع هناك ابقة هنا
ام امجد/يمة البيت فارغ وانتي بعدج صغيرة اخاف تسمعيلج صوت طگة بلبيت وتخترعين
اسنات بهمس/امجد خوية شبيم ليش قافل عليهة
امجد/اسنات كلت متروح يعني متروح ممنوع
اسنات باوعتلي وهية مستهضمة اشرتلهة بعيوني بمعنة عادي وبتسمتلهة
غسلت الوصلة بلسطلة مال المسح هسوتني نزلت راسي اجتني دوخة ردت اوكع بلكاع
وهج/وجع شنو هل الزفت الدوخة اخلص وماخلص من الامراض
رجعت امسح واني دايخة اليوم طافرة روحي من خشمي كلش عصبية وضايجة بديت اختنك من الروتين شغل اربعة وعشرين ساعة ممزوج بعركات امجد وكلامه الي يأذي وهاي اني بعدني باول ثلاث اسابيع بقة بس سبوع واخلص اول شهر الية هنا ويبقالي 11 شهر وارجع لحياتي القديمة
شطفت الوصلة ورحت شريهة ذبيت مي المسح بلحديقة رجعت غراض المسح بلمخزن وطلعت غسلت مواعين الريوك اغسل بلمواعين وادية يرجفن وعدي لعبان روح قوي من كلشي لعبانة نفسي وطاخة ببالي اشرد منا
غسلت وجهي بلمي رجعت المواعين لمكانهن
ام امجد/ يمة وهج رجلج يريد كلاص جاي سويله
وهج/اي هسة صار
ام امجد/انتي شبيج شو مو على بعضج
وهج بابتسامة/كلشي مابية سلامتج
ام امجد/اليوم اني الي رح اطبخ عود انتي روحي ستراحيلج شوية
وهج/ان شالله عمتي
بتسمتلهة ورحت طلعت قوري من الكاونتر حطيت بي مي وجاي وهيل وكبل للنار واكفة والوج من الدوخة ولعبان الروح الله يستر والله اني ما ناقصني آلآم نوب لعبان الروح ودوخة وادية وحدهن يرجف حتى مو برد
