شلت راسي من المخدة باوعت يمنة ويسرة امجد ما موجود ياساتر يا ربي وينه كمت من مكاني بسرعة اول شي اجة ببالي المكتب لان شفت الضوة مفتوح وطالع ضوة من جوة الباب
ركضت للمكتب فتحت الباب لكيت امجد واكف بنص المكتب يباوع بكل برود للغراض المكسرة ما منتبه بوجودي ينص على الغراض يشيلهن من الكاع يباوعلهن ببرائة ياربي هل العيون الي مدري منين تطلع منهن البرائة والمشلكة يباوع للغرض المكسر ويباوع للحايط يتاكد هو ضربه بلحايط لو بغير مكان راح يتلمس الحايط
وهج/هاي ضربتهة بلكاع
امجد/مو اكول ضربتهة مو مال حايط...حبيبتي!
وهج/صباح الخير
امجد تحول الى الانسان الفرحان من الهادء الى انسان ثاني ابتسامته مرسومة على وجهَ شمر الي بايده بدون اهتمام واجاني
امجد بفرحة/صباح النور
وهج/شلونك اليوم
امجد/احسن من البارحة
وهج/دومك يارب
امجد/يدومج الي
وهج/شنو شعورك وانت تشوف كمية عصبيتك مال البارحة
امجد/صراحة ماكو احساس اصلا هذني الاشياء صارن قديمات ويحتاجن تجديد
حط ايده على خصري وطلعني من المكتب اني اريد اضحك امجد شبي اليوم؟
امجد/شوفي حبيبتي لازم الواحد يطلع عصبيته بشي
وهج/اي انت كلت بشي بس مو باشياء انت كسرت مكتب كامل هسة كل اشغالك تكسرن
امجد/عدي بلشركة بديل واني حبيت اجدد المكتب رح اجيب غراض ثانيات
وهج/يروحن الك فدوة كلهن اهم شي انت بخير
امجد/احبج ورب منو بيمن احلف حتى تعرفين مدى حبي الج ولج يبت الناس حبيتج اني جنت اكول كلبي مات بس انتي اجيتي ازهرتي وانرتي حياتي
وهج/اممجد استحيي
امجد/اي صحيح نسيت بيج مو مال غزل مرتي الخجولة
وهج/نعم
امجد/جوعان
وهج/اي هسة من عيوني اروح اسويلك ريوك
امجد/هلة باحلة صباح على احلة وجه بعمري يلة كلبي رجلج بلشن عصافير بطنه يصيحن ويلطمن
وهج/ههههه ماشي والله رايحة باي
امجد/بااي
طلعت من الغرفة واني اضحك لكيت بوجهي عمتي
وهج/صباح الخير يمة
ام امجد/صباح النور...شو دا تضحكين
وهج/يعني مافهمت
ام امجد/ امجدوين
وهج/جوة بلغرفة
ام امجد/تعالي وين رايحة
وهج/اسويله ريوك
ام امجد/امجد شلونه اليوم
وهج/الحلو مالي اقصد امجد بلغرفة مفرفش ومرتاح
ام امجد/معقولة
وهج/ههه روحي شوفي وتاكدي بنفسج
ام امجد/اروح اشوف شنو الي صاير
عفت عمتي ونزلت جوة اسوي الريوك
الياس/هااااه شششهد؟!
شهد/اهوووووو
الياس/شكلتي علية
شهد/ماكلت شي
الياس/علوية لتجذبين
شهد/كلت اهوووو
الياس/ليش هلكد حاقدة علية
شهد/اولا ماحاقدة عليك بس ما اطيق احد غريب وماعرفه ثاني شي شعدك جاي لهنا ثالث شي منو سمحلك تصيح باسمي هيج كبال العالم
الياس/اول شي بيج تعقد وثاني شي اجيت اخذ حبيبتي مو علمود شكولج وثاني شي لعد شصيحلج كاظمية ام اللبن
شهد/مايهمني بس ابعد عني
الياس/يا قليلة الوفة مو اني وصلتكم انتي وخالتي للبيت
شهد/محد ضربك على ايدك وتجي توصلنة هه يذكرني بتوصيلة
الياس بغباء/هسة اني شعجبني بيهة لسانهة الطويل لو حقدهة اتاجهي لو اني كلبي صار يحب بلمكلوب ....فروووسة
طلعع موبايلي من جيبي وتصلت على فارس
فارس/الوووو
الياس/وسم شبيك تعيط انت وينك
فارس/دا اتعارك
الياس/ويامن
فارس/وية ناس ماعرفهم شكو شبيك
الياس/تعال محتاج ضروري
فارس/اي مو تدلل ...
الياس/الو
فارس/ها وياك هنا ماكو ارسال
الياس/وكف العركة
فارس/ماكدر دا اتعارك انت وين هسة
الياس/يم مدرسة... للبنات تعال وانت كاشخ
فارس/اي اي عشر دقايق واجييك مو تدلل باي
الياس/باي
