كعدت على صوت امجد فتحت عيني شلت راسي باوعت يمنة ناس دا تمشي وسيارات يا اني وين لتفتت للجهة اليسرة لكيت امجد كاعد بصفي لازم ايدي ويباوعلي باستغراب
وهج/وصلنة للنجف
امجد/اي بس انتي شبيج مصدومة
وهج/مو شفت ناس خترعت بعدين تذكرت اني شلون وصلت لهنا
امجد/ها رتاحيتي بلنومة
وهج/اي شكرا الك لو ما انت جا لحد الان منعسة
امجد/نوم العافية يلة كومي تاخرنة على الناس
وهج/الله يعافيك اي يلة نكوم
الياس/فهد انتبه لابنك لا يوكع بلسراديب
فهد/هسة رح اشيله
الياس/هاه هاي منو تمشي كدامي
ايلان بغرور/بت عمك الحلوة
الياس/شوفي انتي صح بت عمي بس مال الحلوة لا
ايلان/ليش يمة شبية
الياس/مابيج شي بس تشبهين ابو بيبيتي
ايلان/وانت تشبه شرشبيل
الياس/وجع
ايلان/الك الوجع
الياس/شبيج بومة ليش ضايجة
ايلان/معليك
الياس/هذة لسانج مال كص
ايلان/ وهذة خشمك هم مال كص
الياس/ههه ولج شبيج منو مضوجج
ايلان/اكو غير ذياب
الياس/ليش شبي ذياب
ايلان/ردت اروح اكعد يم وهج لان كاعدة وحدهة كعدني يمه غصب عنه
الياس/ليش بسلا ذياب ما يحب مرة امجد
ايلان/ابد مايحبهة
الياس/اخوج مدري شلون
ايلان/لان اخذت مكان ديانة بحياة امجد
الياس/رح احجي شي بس لتزعلين ديانة ماتت وبعد ما ترجع ليش نحاول نعيش بلماضي مالتنة معقولة نقتل مستقبلنة وحاظرنة على ماضي بعد مايرجع
ايلان/والله كلامك صحيح بس جيب الي يفهمه
الياس/ان شالله اخوج يفهم هذة الشي عن قريب
ايلان/الله يسمع منك
الياس/تكدرين ترحين تمشين وية وهج
ايلان/اي صدك وينهة
الياس/ورانة
ايلان/شكرا يا شرشبيل
الياس/العفو يا بيبيتي
وهج/احنة ليش اجينة للمقبرة اول شي
امجد/كلهم رادو المقبرة بعدين الامام علي وبعدين يشفون مكان زين نتغدة بي
وهج/اها مرتبين الوضع
امجد/نتبهي لتوكعين الكاع مو امنة
وهج/هلااو
ايلان/هلو يحلوة اسفة عفتج وحدج شسوي غير هذة اخوية غصبني اكعد يمه
وهج/عادي كلبي
ايلان/بس خوش سوة امجد كعد يمج
وهج بخجل/هه
امجد/ايلان
ايلان/ها ههه اسفة
امجد/امشن كبالي
مشينة كبال امجد والياس صار كبالنة هو ومجيب حتى ما نضيع بنص المقبرة الجو بارد وهادء كلللش دقايق ووصلنة للسرداب مال العائلة بدة البجي والنحيب عمتي بدت تفقد نفسهة وهم بعدهم ما فاتحين باب السرداب اجة امجد كال اوكفن بصف ذياب والياس اامن راح يفتح الباب لان هو عده المفتاح
دموعي بدن ياخذن طريق على وجناتي اسنات الي مردت كلبي مرد ياروحي تبجي بحسرة تريد تشوف اخوهة بس بعد وين تكدر تشوف فاطمة تبجي بهدوء لان متريد تخوف بتهة وابنهة ريان يباوع على امه وهو يم فهد اما رتاج مكمشة بعبات امهة ما هدتهة رباب هم قهرتني تحبه لمؤمل وتبجي كعدت ي عتبت السرداب تبجي وفردوس تخفف عنهة كل النسوان كلبن بجي وصياح اني لازمة عباتي بايدي وحاطتهة على حلكي ابجي
