احس مثل البلوكة على صدري اريد اتحرك بس ماكدر نعسانة كلش
فتحت تك عين حسيت بشي حار نزل على صفحة وجهي طلعت ايدي من جوة اللحاف مسحت اذاني وخرت ايدي باوعتلهة لكيتهة مبللة معقولة دمعة مو اني جنت نايمة!
شلت راسي من المخدة ماكو شي على صدري بس اللحاف المخزن بارد ويخوف فتحت كل عيوني على كبرهن اريد اشوف عدل اخذت نفس وطرحته يوم عذاب جديد نبدي بسم الله
كمت من مكاني عرفت صار الصبح دا ياذن بلجامع شكد حلو صوت الاذان حتى ما يزعج ابد كمت واني دايخة فچي يوجعني اما ايدي ماحجي عن المهة واثار اصابيعه طابعة بايدي
طلعت امشي صفح لان رجلي توجعني باوعت للساعة بلستة الة ربع اهوو لازم اروح اكعده من النوم مشيت لغرفته فتحت الباب غرفته ظلمة ودافية وتشهي للنوم ااخ بوية اريد اكمل نوم بس همزين كعدت حتى ما يصيح علية لان ما كعدته
جنت نايم اصلا ما نايم بس متمدد مادا اكدر انام رح اطب اسبوع اني ما مغمض عيني فجئة احس بحركة بلغرفة عرفتهة هاي وهج لان هية الوحيدة الي دا تطب للغرفة بهيج وقت ظليت مغمض عيوني خدران مابية اتحرك فجئة صرت احس بيهة تضربني على ظهري وكعدت يم خاصرتي
فتحت عيني شلت راسي رح اكوم اكفخهة دايرة وجهة على غير جهة وتتثاوب مغمضة عيونهة وتضربني على ظهري
وهج/كومي ولج
امجد/هيييو اتييي
وهج/شهـ..هااااااا امجد هذة انت
امجد/تعالي وين كايمة حقيرة شو تضربين شنو كعدي ولج
وهج/وو وو والل والله والكعبة عبالي اختي
امجد/اختج؟ اني شعلية باختج تجين تضربين على ظهري
لزمت ايدهة طكت جوة جف ايدي
وهج/دسمعني اول شي
امجد/اضربج اعدل خلقتج من الصبح
وهج/هسة انت مو كعدت شبيك عصبي
امجد/ولا تسئلين وكانه كلشي ما مسوية
وهج/وام البنين اني عبالي اختي
امجد/رح اعيدهة بس هل المرة والي حلفتي بيهة اذا تنعاد مرة ثانية افصخ راسج عن جسمج فهمتي
وهج/فهمت
امجد/روحي من كبال وجهي
وهج/فهمت اقصد حاظر
طلعت من الغرفة ركض اني شلون حوبة شللللووووون انسة نفسي من الصبح عبالي شهد ودا اكعد بيهة اااخ ايدي ولكم هذة شياكل حديييد؟! ايده طابوكة تووووجع
باوعت لايدي اني ثولة شلون هيج اسوي على اساس احنة متفاهمين وانتي سويتي هيج كبر كبرني رحت للحمام فركت وجهي بلصابون حيل حتى اصحصح طلعت من الحمام افرك بعيوني اااخ طب كل الصابوون بعيوني ردت اتكربح على الدرج بس همزين الله ستر كمشت بلمحجر بسرعة نزلت رحت لاضوية الكلدور فتحتهن وطبيت للمطبخ فتحت الاضوية اليوم صرت شوية اعرف احسن من البارحة
رحت طلعت قوري الجاي حطيت بي مي من المرشح واربع مكيالات جاي وبعدين على النار بسرعة طلعت الطاوة وفتحت الساحبة مال الزيت البارحة من غسلت ملابس ورجعت شفت عمتي دا تحمس بلبصل وشفتهة مشغلة الساحبة مال الروائحة الخاص بلاكل طلعت طاوة حطيت بيهة شوية زيت اقل من البارحة طلعت اربع بيضات طكيتهن صحيح هل المرة وخبطتهن بسرعة حطيت ملح لان البارحة من جانو كاعدين يتغدون سمعتهم يطلبون ملح ف نطبعت ببالي فتحت عين النار حطيت الطاوة عليهة حطيت ايدي شوية فوك الطاوة حسيت ببداية حرارة ذبيت البيضات صح نلسعت بس لازم اتعود كلبهة بلخاشوكة بدون جفجير مثل البارحة هه من صارت طفيت النار شلتهة حطيتهة بمواعين جبير وقسمتهة على عدد مواعينهم الجاي صار طفيته وطلعت كوب حطيت بي مكيالة ونص شكر والمصافية مال الجاي وصبيت الجاي طلعت خبز حميته على النار بسرعة حطيت ماعون البيض وكلاص الجاي والمملحة والخبز كبال واحد من الكراسي يخص امجد هل الاكل
