ام امجد/ولج شوكت ناوية تباوعين لنفسج
وهج/يمة قبل شوية جنت كبال المراية
ام امجد/وصمخ اقصد شوكت ناوية تبينين نفسج ك بنية لامجد
وهج/ليش يمة كبالكم ابو حسين هاي اني بنية كبالكم
ام امجد/يعني تحفين وتلبسين وتتشخين شنو عاجبج حالج وانتي تفترين بلبيت بهل الملابس العريضة
وهج/وعميي
ام امجد/عمج ياخذه الشغل من الصبح للظهر ومن الظهر يكضيهة نوم للعصر ويطلع العصر لحد العشة وبعد يصعد بغرفته يعني انتي ماعدج اي عذر
وهج/لا عدي
ام امجد/وشنو عذرج
وهج/ابنج يتحارش بية واستحي منه
ام امجد/ابني؟!
وهج/امم
ام امجد بصدمة/تقصدين امجد
وهج/اي امجد اني استحي منه
ام امجد/وين الجفجير
وهج/لا لا يمة حبابة والله يوجع
ام امجد/هذذة رجلللج
وهج/واذا اني استحي منه
ام امجد/ولج حلاله
وهج/ويعني
ام امجد/من عين باجر ترحين وياية للسوك اشتريلج نيشان مكمل اسويج عروس
وهج/لا لا يمة حبابة مو هسة بعدني ما مستعدة وخايفة اني من اشجع نفسي اجيج والله يا يمة وغلات عيونج وداعت عمي حبيبج وداعت اسو
ام امجد/شبيج يخايبة ليش هيج مسوية بنفسج
وهج/صدكيني امجد هيج يحبني مو الة اتكشخ او البس ملابس ضيكة حبني واني باسوء حالاتي شوية شوية اتغير مو بيوم وليلة
ام امجد/وهج
وهج/آمري يمة
ام امجد/كومي من يمي
وهج/صار يمة بيباي يحبييتي
طفرت من يم عمتي ركض طلعت من المطبخ ركض لامجد تاخرنة على الطلعة
فتحت الباب لكيته واكف بنص الغرفة وجهَ احمر بدون ما اسله كلبي كلي رجعتله الحرارة الداخلية
وهج/مصخن مو
امجد/لا مابية شي
وهج/ليش ما غسلت
امجد/ليش اغسل
وهج/الاوجاع قوية
باوعلي ونزل راسه بتسم واجة يمي
امجد/شلون عرفتي بية متالم
وهج/كلبي عرفك وجهك احمر عيونك حمر خلي نروح دكتور
امجد/لا ما نروح
وهج/ليش
امجد/مابية شي ليش اروح
وهج/شنو مابيك انت ملاحظ انو تجيك هاي الامور فجئة يعني مو شي طبيعي شي قوي
امجد/ماريد اروح اني اذا ما مقتنع بشغلة مااسويهة
وهج/ليش متقتنع هاي صحتك وعافيتك
امجد/انتي صحتي وعافيتي ابتسامة وحدة منج تخلي كلبي يرجع يدك من جديد وقابل شنو يسويلي الدكتور خليهة على الله وهو يوخر هل الالم
وهج/بس الله كالك اسعي ياعبدي واعينك انت اسعي للدكتور وهو رح يعينك ويشافيك
امجد/وهج...ماريد اروح
سكتت بعد شحجي رافض رفض تام اخذت نفس وطرحته نزلت راسي باستسلام باوعت على جفوف اديه يقبضهن ويرخيهن ويرجع يقبضهن من يشد على قبضة ايده تصير ايده صفرة ومن يفتحهة تصير حممممر الشرايين الي بايده كلهة طالعات
وهج/شوكت نروح للمستشفة
امجد/هسة ياريت
باوعت بعيونه حمر ياربي ليش معاند مايرضة نروح للدكتور رح يصير بي شي اكيد عده نواغيز بايده ودا يتوجع
رفعت راسي من جديد دا احجي ويا دار وجهَ واطاني ظهره وراح للمكتب ادري بي دا يتشرد مني لان ماعده شي بلمكتب كله مكسر شنو ياخذ منه
رحت للحمام
