اليوم ما خليت امجد يحتك بية حتى اخلص شغلي بسرعة ادري بي بس اصير قريبة يمه يلزمني بعد ما يهدني يريدني اظل كاعدة يمه كل الوقت واني عدي شغل ف بعدت عنه خلصت كل شغلي بسرعة عمتي واسنات ساعدني بلبيت نظفناه واخذنة الغراض المهم خلصنة كلشي الساعة بل11 الضحى تغدينة بسرعة وتجهزنة وطلعنة
عمي كاعد بلصدر يم امجد واني واسنات للورة وعمتي كبالنة
امجد/يا الله الله بلخير
الكل/الله بلخير
امجد/خوب ما ناسين شي مهم بلبيت تذكرو قبل لا احرك السيارة
ام امجد/عيني بنيات ناسيات شي
وهج/كلشي حطيت بلجنطة
اسنات/اي نسيت شغلة
الكل/شنو
اسنات بابتسامة/رجلي نسيتهة
امجد/هههه هاي شلون بيهة بتك
ابو امجد/تدلل علينة ههه
امجد عدل المراية الي كباله باوعلي غمزلي بحواجبه اسنات كامت تحمحم كرصتهة برجلهة سكتت غمزت لامجد ضحكنة ثنيناتنة وسكتنة
رحنة لبيت اهلي نزل امجد دگ الباب طلعله عمي كلبي وكف اني واسنات وحدة تباوع للثانية بخوف وجوهنة صارن صفر لزمت ايدهة وهية لزمت ايدي امجد حجة وية عمي وطولو بلكلام الله يستر
طلعت من ورة عمي شهد وبايدهة جنط ثنين وراهة طلعت امي الله فدوة لله شكد حلوات هية وشهد يضون الله يحفظهن
امجد رفع ايده لعمي واخذ الجنط من شهد اجة يم السيارة فتح الجنطة حط الجنط وسد الباب
اسنات بهمس/اكلج هسة شلون نعرف عن شنو جانو يحجون
وهج/شهد واكفة يمهم بس تجي نسالهة
اسنات/اي خوش فكرة
اجن امي وشهد للسيارة فتحلهن الباب مال السيارة صعدن سلمن وكعدن طبعا امي وعمتي اخذنهة تشبگ وبوس وهنة هستوووهن عرفن بعض والمشكلة الاحضان والسلام بعد عمري الله يخليج حبيبة خيتي
شهد اجتي يمنة احنة مسويلهة مكان سلمت علينة
اسنات/كعدي دادة
شهد/ها خية
اسنات/احجي شجانو يحجون امجد وعمج
شهد/على السفرة
اسنات ووهج/الحمد لله
شهد/ليش شبيجن
وهج/عبالنة على سالفة الفصلية
شهد/شحده يحجي والله افضحه واطلع
اسنات/تفضحين منو
شهد/عمي
اسنات/بيمن
شهد/بعملية خيانة مرته
اسنات/فديت ام عقل شيطاني
شهد/هههه ولج مو اني الي اهدده من نفسي سمعت وهج تهدد عمي قبل ما تجيكم وشفته خاف من وهج ف اني اخذتهة لصالحي
اسنات/فديت وهوجة تعرف شلون تهدد
شهد/شلونج
وهج/بخير انتي شلونج
شهد/الحمد لله تمام اكلج شلونه الياس
اسنات/هسة رح يجي وتشوفيه
شهد بصدمة/رح يجي
اسنات/اي رح يجي ويانة بلسفرة
شهد/صددك
وهج/ههه اي سوينالكم كمين وجبناكم ثنينكم للسفر
شهد/نزلوني اني ما ناقصني مشاكل
وهج/تعالي كعدي وين ننزلج الرجال معليه بيج جذب مال كمين هو رايح يتعالج ويغير جو امجد كله امشي ويانة معليه بيج
شهد/بلكي الله يسمع منج
اسنات بهمس/صدك عود حجيت وية نور
وهج/شوكت
اسنات/البارحة بليل
وهج/وشكال
اسنات بهمس/ما كال شي بس سالني على احوالي وراح
وهج/اااا حللو تطوراات
اسنات/اي لعاد شعابالج
وهج/شدا تحجين
اسنات/غلسي هههه
