بعد اسبوع
وهج/ها شلون الريوك
امجد/كلش طيب عاشت دياتج
وهج/بلعافية
امجد/صار لازم اكوم اروح
وهج/وين تروح اليوم جمعة
امجد/مو وعدت فارس اشتريله ستوتة جديدة
وهج/ها ههه رايحين تشترون ستوتة
امجد/اي وين كايمة
وهج/خلصت ريوك
امجد/لا انتي كلشي ماكلتي كملي اكلج
وهج/والله خلصت
امجد/الف عافية
راح غسل اديه تمضمض وراح لغرفته اخذت المواعين غسلتهن بسرعة
دا امسح الميز نزل من فوك متجهز للطلعة مالته بس شافني اباوعله ابتسملي
امجد/ها شلون طالع
وهج/تخببل
امجد/هذة من ذوقج حبيبتي
وهج/شوكت ترجع
امجد/على ما اتوقع نتغدة برة اني والشباب لان صارلنة فترة طويلة ما مجتمعين
وهج/ها خوش هلة بيك بكل وقت نتبه على نفسك
امجد/وانتي هماتين حبيبتي
وهج/قبل لا تروح..اخذت دواك
امجد/اي اخذته
وهج/هاي هية روح بامانة الله
امجد/مع السلامة
طلع من المطبخ راح شغل سيارته وطلع نزلت اسنات من فوك نعسانة
اسنات/صباح الخير
وهج/صباح النور
اسنات/وهج
وهج/ها
اسنات/نور
وهج/شبي
اسنات/يحبني ههه
وهج/عبالي بي شي
اسنات/لا اسم الله عليه كلشي مابي
وهج/ههه تردين غدة اقصد ريوك
اسنات/لا اريد عشة ههههه
وهج/انتي الي يغلط كبالج يبتلي على عمره
اسنات/يلة عيني حطيلي السحور شكلنالج
وهج/هاج اكلي
اسنات/شكرا ههه...اكلج مستعدة لليوم
وهج/كلش كلللش خايفة
اسنات/وجع لبليس كلت رح تكولين متحمسة
وهج/وين التحمس واني متوترة وخايفة
اسنات/ترة عادي ماكو شي يخوف
وهج/ان شالله يطلع مثل ما تكولين
اسنات/رح تجي ايلان وفاطمة
وهج/هلة بيهن اكلج انتي اكلي ومن تخلصين غسلي مواعينج فهمتي اني اروح انظف بسرعة قبل لا يجن البنات
اسنات/حتى بيوم عرسهة تنظف اخ ياربي
وهج/لعد شلون ما انظف
اسنات/روحي نظفي دادة محد لازمج
وهج/هههه بيباي
سبوع كامل مشة من عدنة ماتغيرت امور هواي بي بس صارت تغيرات طفيفة بي رجعنة من السفر من ايام وحياتنة بعدهة نفسهة هادئة والحمد لله لان حياتنة هادئة وما بيهة مشاكل هاي احلة نعمة من الله
ورة يوم من السفر رحنة للدكتور لان تركنة العلاج بلفندق نسيناه الدكتور كله حالتك كلش متحسنة اطاه ادوية ثانيات كله اذا خلصن بعد لتجيني لان الالتهاب راح وهذا هم من فضل الله
قررت اليوم اصير مرة امجد من صدك اتفقت وية اسنات تساعدني لان اني وحدي بهيج سالفة ما ادبرهة وابطل قبل ما يعرف امجد ف اسنات تشجعني وتساعدني اغير من شكلي ترخصت البارحة من عمي وعمتي بخصوص الاسود كالو مرخصوة تنزعيه انتي بعدج عروس ومو لازم تبقين سنة كاملة لابسته
اليوم كلش متوترة بس بنفس الوقت اكو اصرار بداخلي كافي اظل جامدة كبال امجد واحرك شوية من نفسي ان شالله يكمل كلش بخير وماكو اي مشاكل او اني اغلط بشي غلطة تخرب كل شغلي
طبعا حياة الباقين شوية تغيرت بهذة السبوع الياس وشهد من بعد الاعتراف بيوم العيد ميلاد ماشين بهدوء وكلش حلوين وماعدهم اي مشاكل الحمد لله
