تفاعلكم⬇⬇⬇💔
حركة خفيفة على راسي ريحة عطر اعرفهة كلش زين ايد جوة راسي هذة اكيد امجد مافتحت عيوني بعد هذة امجد ...هو جان مصخن بليل ..من تذكرت هو جان بليل متخربط فتحت عيني بسرعة رفعت راسي اله صافن على غير جهة يلعب بشعري
وهج/امجد
امجد بابتسامة/من شوكت كاعدة
وهج/قبل دقيقة
امجد/صباح الخير
وهج/صباح النور شلون صرت بعدك مصخن؟
امجد/لا ابد شبيج بوية مابية شي عارض بليل وراح ان شالله بعد مايرجع
وهج/ان شالله مايرجع انت تدري غفيت واني اسويلك كمادات
امجد/يا حبيبتي تسلميلي ام كلب ابيض لو ما انتي ورحمة الله جا مدري شصار بية
وهج/ونعم بلله هسة انت هم تحس اكو نواغيز عدك
امجد/لا ابد كلشي ماكو ولا كانه البارحة اكو شي
وهج/رحمة من الله.. جوعان؟
امجد/اي والله لدرجة ردت اكلج وانتي نايمة
وهج/هههه يلة هسة كايمة اسويلك ريوك
امجد/وهج
وهج/ها
امجد/اني اسف
وهج/على شنو
امجد/على كلشي سويته بيج باول ايامج يمي
وهج/...
امجد/ما تكدرين تسامحيني مو؟
وهج/امجد...
امجد/ادري اني اذيتج لدرجة ما اعرف شلون اوصفهة بس والله جان القهر عامي عيوني ومحروك كلبي على اخوية ومن شفتج انتي واخوج بهذاك اليوم الاكشر صار عندي سوء فهم جبير حقج فوك راسي حبيبتي والله جنت مكبر الامور وماذيج بس هسة عرفت الصح من الخطا صدكيني يا مرتي الي احبهة واموت عليهة اني ضعت بدون اخوية ورجعتيني انتي شفت العيشة وياج احلة من حياتي كلهة الي عشتهة سابقا انتي اكثر انسانة صادگة عرفتهة ومارح اعرف مثلج اعرف غلطت بحقج وهذة كلامي مارح يكفي جروحج يامة ويامة نمتي ودموعج بعيونج بسببي وهجة ابليس اللعين جان مسيطر علية والله مدا اجذب عليج ولا اريد استغلج ولا اريد اجرحج اني تغيرت علمودج انتي وبس تغيرت حتى اشوف الضحكة بوجهج واشوفج بكامل صحتج من نقص دمج والله كبرتيني عشر سنين ليكدام مو هينة علية اشوفج مريضة وتعبانة والله مو هينة علية حتى بهذاك الوقت ما هنتي على كلبي لهذة السبب تغيرت علمودج انتي اني اعتذر عن كلشي سويته اعتذر عن كل ضربة ضربتهة الج اعتذر عن الكلام الي يجرح بحقج اعتذرلج عن امجد القديم هسة انتي صرتي كلشي يلنسبة الية انتي مرتي وصديقتي وحافظة اسراري واختي وامي الثانية الي تهتم بية وتعرفني شريد من نظرات عيوني وبتي بلا تشبيه بس اني الي اريد اكبرج واكبر وياج واعيش كل لحظة من عمري وياج صغيرونتي شوفي انتي الج الحق باي ساعة تسامحيني مو الة هسة باي ساعة عسة مليون سنة اهم شي تظلين كبال نظر عيني والج كامل الحرية وشوكت ناوية تسامحيني وتكليلي احبك اني رح اظل انتظرج
يحجي وياية واني ابجي بصمت كلامه ذكرني بكل مرة جان يضربني بية وياذيني ويهيني بس هسة كلبي دا يرفرفله عقلي يكلي لتسامحيه وعذبي كلبه مثل ما تعذبتي انتي وكلبي يكلي سامحي خطية يريدج يمه... بس توكف بعيني ايام حسراتي على شوفت امي واختي وعلى كل مرة ضربني بيهة وقلل من كرامتي
