هسة عرفت انو اني صدك فصلية هسة حسيت بمعنة الوجع المعنة الحقيقي
بنية من دون اب او اخ يسندون ظهرهة واخذوهة خدامة ومكفخة لناس ماترحم حرموهة من حضن امهة وفرحتهة وية اختهة اجتي لرجال مايعرف شنو رحمة بهل العالم لان نطقت كلمة الحق وواجهته بلواقع الي احنة دا نعيش بي حار شسوة بية مابقة مكان بجسمي ما ضربني بي ايده ثگيلة واني اصلا تعبانة من الشغل والارهاق والضرب الي اخذته من زمان ليش يطلعون رجولتهم على المرة ليش المرة شي ينضرب؟
وية كل ضربة الف حلم بداخلي ينكسر والف امل ختفة من كدام عيوني احس جروحي نفتحن كلهن صار يضرب وما احس بضرباته بس والله لا ياروحي والف لا اذا محد ساندني من اهلي الله موجود وياي وهو يساندني كل ما يضرب اردهن عليه بالف ضربة حتى يعرف وية منو كاعد يتمادى كلشي ماكدر اشوف بس اسمع بس صوت عمتي واسنات يحاولن ويانة نفك بعض وراهة اختفة الصوت من يمي
حسيت على العالم من حطوني جوة الدوش المي بارد واني جسمي حار احساس فضيع ياذي المي يلسع الجروح الي بية شهكاتي تعالن اعصابي بعد ماكدر اسيطر عليهن ادية وحدهة يترحكن شفت امجد يغسل ادية وطلع من الحمام اسنات حاضنتني وتحاول تهدء علية
عمتي سدت الدوش جابت منشفة جبيرة حطتهة على ظهري وراسي اني ابجي وبصوت مسموع مو من الموقف بجيت لان كدرت اخذ حقي منه واوكفه عند حده بس القهر جبرني ابجي بصوت مسموع ادية عاصرتهن حسيت اظافيري طبن بلحم باطن ايدي
اجتي عمتي ساندتني اطلع من الحمام امشي ومقوسة ظهري بالم امشي دموعي نشفن بس اتنفس بسرعة كوة احاول اظل صاحية وما افقد الوعي باوعت لامجد بطرف عين لكيته يباوعلي بصمت حقير الله يقويني حتى انتقم منك
**رجعت من المدرسة مكتئبة لان شفت صديقتي اخوهة اجة عليهة تذكرت مؤمل من جان يجيني بس طبيت لباب المطبخ اسمع صوت امجد العالي وامي تصيح اكيد وهج طاحت بين ادين اخوية ودا يضربهة صعدت فوك وشفت العكس وهج وامجد داخلين حلبة مصارعة اشوف امي تريد توكف بنصهم ماتكدر رحتله بسرعة احاول اخليه يبعد عن وهج بس وهج ما تطينا مجال كوووة بعد عنهة وهج لاحس ولا نفس البنية ماتت امي حاضنة راسهة وتصيح تريدهة تكعد والله ردت اكله لامجد على حقيقة وجود وهج هنا بس تذكرت وعدي لوهج سكتت ارجع لوهج ماكو استجابة على رشات المي امجد اجاهة يريد يكعدهة ذب المي على راسهة ولا كانه ذبينة مي وديناهة للحمام كعدت رتاح كلبي اني كلت ماتت وراحت وهية مظلومة الحمد لله صحت بس شنو من صحت لو باقية فاقدة الوعي احسنلهة تريد ترجع تكمل العركة بعز قهري خلتني اضحك بس بعدها بفترة كسرت روحي من كامت تبجي بالم احسهة دا تتالم واني ماعرف شسويلهة ودا تتالم بسبب اخوية شبكتني احس بيهة دا ترجف واني جسمي يرجف من خوفي عليهة اني وامي وطلعناهة من الحمام ومن غرفة امجد وهية منا بردانة مشيناهة لغرفتي
اسنات/وهج حبيبتي كلبي واعية علية
وهج بصوت مبحوح/الله ياذي اخوج مثل ما اذاني الله ينتقم من اخوج ويحرمه من الراحة ياربي اذا اكو بلمظلوم حوبة طلعهة براحته واحرمه من سكينة البال الگلب
اسنات/حقج والله حقج بس عفية عليج من اخذتي حقج واني اشجعج والله واني مستحية منج شكلج حتى اسد السالفة ما اشوفهة تنسد
وهج/اريد امميي الله يخليج وديني لامي والله ارجع باجر بس وديني لامي احط راسي على صدرهة واريح كلبي عمة الله يخليج انتي مو ام؟ حسي بية وخليني اروح لامي
ام امجد/يمة هدي كلبج خلص من التفرفح اهدئي الله يوفقج اوديج لامج وتحطين راسج على صدرهة بس هدي
وهج/كولي والله رح تخليني اروح لامي اشوفهة
اسنات/وهج عمري هاي هية كالت رح توديج امشي اغيرلج ملابسج
وهج/اسنات صدك رح اروح اشوف امي
تنزل راسهة حتى تباوع بعيوني يا يمة كسرت كلبي خلتني ابجي شبكتهة خليتهة تطمن اني يمهة نص ساعة بلتمام والكمال هية بس تبجي اني كاعدة كبالهة اعقملهة الجروح الي بركبتهة وبرجلهة وباصابيع اديهة واما خشمهة شيب راسي يالة نگطع ومااعرف شنو الوضع يم امجد وجروحه
