وهج/امجد اوكف
ام امجد/ولج يمة تعالي وين رايحة خاف تتاذين ولك اممجد شبيج ليش تركع بلغراض
اسنات/ابوية وين
ام امجد/طالع
وهج/امممجد يمة هديني اريد اشوف شبي
ام امجد/وين اهدج اخاف عليج تتاذين
اسنات/خوية حبيب اهدء شبيك بعد اخيتك
امجد/كلللله بسببي كلله الي صار بسببي اني اني وبسسس
وهج/يمة فدوة خليني اروح يمه
عمتي مجلبة بية حيل ما تخليني اروح تخاف انضرب بشي وامجد رح ينفجر وجهَ دم ويصيح ويركع بلغراض مابقة ولا شي ماشمره بلكاع اسنات خايفة مثل عمتي
هديت ايد عمتي كوووة وطبيت للمكتب وكفت كباله هو شال الحاسبة مالته راد يضربهة بلكاع وكف بس شافني بعيونه دموع اديه يرجفن بركان كبالي مو امجد ذب الحاسبة بلكاع وكانه البركان الي بداخله هدء يباوع بعيوني بالم نزلت دمعته على خده مديت ايدي مسحتهة عن خده
الي سواه امجد صدمة ومو شلون ماجان صدددمة يعني هو جان يصيح ويضرب بلغراض والدموع بعيونه ثم ثواني ينكلب يصير هادئ والمشكلة لزم وجهي بين اديه قربني عليه وباسني كبال عمتي واسنات يبووو
امجد/اسف اسف بوية اسف حبيبتي اني اسف اعتذرلج عن كلشي صار بيج اسف يبعد كلبي وروحي حبيبتي وغاليتي انتي
وهج/شبيج كمت تضرب بلغراض
امجد/احبج اووف يا ربييي اووووف
اسنات بصدمة/يمة
ام امجد/ما متادبين
اسنات/ابنج اكلهة لبت الناس
ام امجد بتفاجئ/ولج هذة منو
اسنات/كاظم الساهر اا اقصد اخوية
ام امجد/ولج هدوئهم يخوف
اسنات/يعني اني رجلي مكسورة اجيت زحف علمود اشوف هل اللقطة الرومانسية؟... امشي يمة هذولة العرسان مايستحون
امجد بعد عني باوع للمكتب نزلت دمعته بلكاع مسحتهة بقوة دفر الغراض الي بلكاع
امجد/بعد اكو شكم غرض ما مكسرات
وهج/اي وشرايد
امجد/اريدج انتي تكسريهن
وهج بصدمة/هاا ليش
امجد/اي اريدج انتي تكسريهن
وهج/ليش
امجد/وهج..سوي الي دا اكلج عليه
وهج/صار
باوعت لعمتي ولاسنات نسحبن تكتيكي من الغرفة وطلعن اجة يمي امجد بعصبية شلع الساعة من الحايط اطانياهة بكل جدية ينتظر مني اكسرهة
امجد/شوفي اعتبري هاي كل قهرج وكسريهة كسري قهرج
وهج/مو ساعة حلوة
امجد/اجيب اغاتهة كسريهة طلعي الي بداخلج كلشي اني سويته بيج طلعي بهاي الساعة ماشي
رغم الخوف الي بداخلي والصدمة الي ماخذتني مشيت بكلامهة وضربت الساعة بلكاع ما تفلشت رحت شلتهة من جديد وضربتهة وهم ما تفلشت بس الجامة مالتهة نكسرت رجعت شلتهة للمرة الثالثة شلتهة وضربتهة بلحايط تكسرت ختلت بصدر امجد خاف تجي علية قطعة وتاذيني
امجد/بعد تعالي عدي هواي غراض ما كسرتهن
سايرته مشيت ويا بس الي صدمني امجد شلون هادء وشلون دا يبجي وهو ساكت مدا افهم ليش باسني وليش يكول اني السبب وليش اعتذرلي بهاي الطريقة اخذني لمكتبه فتح الجرارات طلع كومة اشياء قابلة للكسر خلاني اكسرهن والله رتاحيت يعني من الزم شي بايدي رح اكسره اذكر الي هو سواه بية واذكر الي سونه بية رباب وفردوس وعمي وبت عمي وولده ومرته وامي واختي كسرنة كلشي حرفيا كلشي تكسر بس صورتي الي معلكة بلمكتب ما كسرهة بقاهة والمكتب لان هو واكف بس شبع ادفر وضرب وكومة اشياء تكسرن عليه...امجد تعب هلك من العصبية نزل اديه على الميز يلهث دموعه ماوكفن رجعت خايفة عليه رحت وكفت يمه لزمت ذراعه نااار وكانه لزمت جمرة مو ذراع
