وهج/يلة امجد تاخرنة امجد تاخرنة امممجد كلش تاخرنة
واكف اسوي ساعتي وهية تكمز يمي كالت اسمي مليون مرة لزمت ايدهة اليمنة وكفتهة كبالي باوعتلي وترمش
امجد/هسة طالعين شبيج توهة الساعة بلتسعة الة ربع
وهج/يلة حباب يلة يلةةة مو تاخرنة هواي
امجد/شفتي اسنات جاهزة
وهج/اي حتى اني غسلتلهة وجهة وبدلتلهة ومشطت شعرهة وسويتلهة شالهة وريكتهة وهسة هية كاعدة بلمطبخ تغفي اقصد تنتظرنة يلة فدوة
امجد/انتي بدلتي لاسنات ومشطتيلهة شعرهة ومريكتهة؟!
وهج/ايي
امجد/كل هذة الحجي علمود تشوفين اختج ام لسان
وهج/كلشي اسوي بس حتى اشوفهن
امجد/لعد بوسيني حتى اخليج يمهم لفترة اطول
وهج بصدمة/ه ها
امجد/شنو ها بوسيني
وهج/ل لي ليش ابوسك
امجد/انسي امشي بس
وهج/ايي يلة نمشي ههه
لزمت ايدي وطلعنة من الغرفة نزلت قبلي بسرعة اسنات جانت حاطة راسهة على الميز وهج كعدتهة وكومتهة راحن وكفن يم السيارة اخذت السويج مالتي قفلت باب المطبخ الكل بعدهم نايمين صعدت وهج بلصدر واسنات ورة
وهج/اسنات وين صاير بيت صديقتج
اسنات/بجهنم الحمرة
وهج/اي امجد ودينة لجهنم الحمرة
امجد/....صدك تحجين
وهج/اي صدك احجي
امجد/وين صايرة جهنم الحمرة
وهج/شمدريني
امجد/هههههههه ولج بوية اسنات وين صاير بيت صديقتج
اسنات/بلتقاطع الثاني على الشارع بيت نورس صديقتي بت ام حيدر شبيك خيو
امجد/هاي هية تذكرتهم يالله مشينة
وهج/واخيرا
الحماس عدي فوووول بعد ماكدر اسيطر على رداة فعلي كله حار بحار عدي بس اصفن واتخيل شكل شهد من تشوفني كبالهة من تفتح باب البيت شنو رح تسوي ساعة اتخيلهة تصيح وساعة اتخيلهة تكمز لو تختم القران كبالي وعلى راسي لو تتعارك وية امجد كل ما اتخيل شكلهة تتعارك وية امجد كلبي يوكف وادعي ما يصير الي براسي
عشر دقايق وودعنة اسنات يم بيت صديقتهة مشينة شوية واجة الياس ياشرلنة من بعدي امجد طبك يمه الياس صعد ورة سلم ظلو يحجون سوية
وصلنة للبيت ادية جمدن جسمي كله برد وحتر بنفس اللحظة نار بظهري مشتعلة رجلية خدرن كلبي يدك بسرعة ولا كانه كل عمري افوت من هذة الفرع اليوم اشوفه احلة فرع بحياتي تذكرت كل طفولتي بي من جنت العب براس الفرع وية بنات المنطقة وشهد تغار علية وماتخليني العب وية البنات تكلي لعبي وياية بس اني كلشي حلو بحياتي هنا الله دمعت عيني من شفت الفرع وكفت السيارة الياس نزل قبلنة
امجد/وهج
وهج/خايفة
امجد/من شنو
وهج/من كلشي
امجد/ليش تبجين
وهج/امجد خايفة
امجد/بنيتي اني وياج
وهج/رح اشوف امي
امجد/اي ورح تشوفين اختج وابوج واخوانج يلة يحلوة ننزل
وهج/ماكدر اتحرك جسمي ثگل
امجد/هسة جايج
نزل من السيارة اجة فتح الباب لزم جف ايدي وساعدني انزل ظليت لازمة ايده وامشي الياس يمشي بصف امجد من الجهة الثانية وكفنة كبال الباب امجد دكهة مرة مرتين بلثالثة سمعت صوت ولد كال منو
كمشت بذراع امجد حيل يارب ما تصير عركة
فتح الباب طلع بوجهنة رجب يابوية رجب من شافنة رجع للورة خايف وجهَ صار اصفر على احمر عاف الباب مفتوحة وطب للبيت ركض
الياس/وجعة مدري وين هذة شبي
امجد/متذكره هذة الي زوركته
الياس/واني اكول ليش وجهَ مركع
وهج/امجد انتظرني هنا
امجد/روحي بس اريد شلون اريد احجي وية بت عمج
وهج/ها ليش
امجد/عدي سالفة وياهة
وهج/ليش تريد تحجي وياهة
امجد/سالفة صغيرونة لتخافين ماسويلهة شي
وهج بخوف/ا انشالله
