كعدت الصبح باوعت لامجد نايم بتعب اني نمت قبله
باوعت للغرفة هاي مو غرفتنة احنة وين
شوية وتذكرت كلشي وعرفت احنة بلفندق كمت من مكاني رحت للحمام
وهج/اااااااااااااااااااااا
صحت واني بلحمام كبل طفرت للروب لبسته واني اشد حزام الروب وادية يرجفن طب امجد للحمام
امجد/شبيج
وهج/مردااانة
امجد/وينهة
وهج/هناااك ورة الشامبوو
راح امجد يدور ورة الشامبو والصابون الي هم حاطي طلع المردانة
وهج/عوع شلوون لازمهة طلعهة برااا
امجد/هاي مو مردانة
وهج/شنو هاي مو مردانة هاااي مردانة
امجد/ههههه هاي مو مردانة شوفي
مدلي ايده فدشي لونه اسود اجتني قشعريرة بجسمي
وهج/مهمة كان ذبه عوع
امجد/ليش اذبه هذا يفيد
وهج/بشنو يفيد
امجد/شوفي شنو يفيد
جر ايدي للمغسلة فتح العلبة الصغيرونة السودة الي اني عبالي مردانة خاتلة ورة الشامبو
فتح مي المغسلة وحط شوية مي على العلبة شو فدشي ابيض طلع منهة امجد ذب العلبة بسلة الزبالة اخذ الابيض الي طلع منهة فتحه
امجد/شوفي منشفة صغيرة هاي
وهج/منشفة حااطيهة بهاي العلبة الي اصبعي اطول منهة
امجد/اي خاف تحتاجيهة بلحمام حطولجياهة اخر شي طلعتي تخافين من المرادين
وهج/اي اخاف منهن وما جنت اعرف اكو منشفة اصغير من العين
امجد/عادي ماصار شي بس خبلتيني عليج عبالي بيج شي
وهج/لا مابية شي شكرا لجيتك تكدر ترجع تنام شكلك بعدك نعسان
امجد/هاج يخوافة
اطاني المنشفة وطلع من الحمام شمرت المنشفة بلزبالة عوع لعبت نفسي منهة رجعت اسبح سبحت واني مغمضة عيوني حتى ماشوف شي ثاني
طلعت من الحمام عدلت ملابسي فتحت جزء من البردة شفت الناس بلشت تطلع اني ضايجة خلي نطلع لتفتت لامجد يحاول يرجع ينام من جديد
وهج/امجد..مجودي...حبيبي
امجد/همم
وهج/كوم نطلع
امجد/مو هسة بعدين نطلع ان هسة نعسان
وهج/ما كوم هسة نطلع الجو حلو واريد اطلع الناس كلهة طلعت
فتح عيونه فرك وجهَ
امجد/حبيبتي كلبي انتي خليني انام والله اطلعج اليوم بس هسة اريد انام
رغبتي بلطلعة كلش قوية امجد ينطر مني جواب انو اني قتنعت اخليه ينام وبعدين نطلع بس لاول مرة تخالف توقعاته وااشرله براسي لا اشرلي براسه اي
باوعتله بتقليص عين راد يرجع ينام رحتله ركض فتح عيونه كمزت عليه
امجد/ووووهج اااخ بطننني
وهج/احببببك
امجد/اني هم كح بطني
وهج/كوم طلعني
امجد/بطني نمتي عليهة
خليته يسكت عن التولول بسته من شفته وبعدت عنه
وهج/تطلعني لو لا
امجد بصدمة/شسويتي هه
وهج/بست زوجي الحلو
امجد/ووهج هاي انتي لو وحدة ثانية
وهج/لا هاي اني فصليتك مرتك وهج
امجد/لك فديييت ابوج من خلاج تجين لحياتي اليوم نفر العراق
وهج/ليش جاي علية روح بدل
امجد/اشبكچ
وهج/لا شكرا ماريد روح غير ملابسك
راد يجي علية كمت من الفراش بسرعة لزمني ايدي رجعني يمه شبكني من ورة
امجد/احلة صباح بعمري
وهج/ههه
امجد/احبج ولج شسويتي بحالي كلبتيني گلب
وهج/اممجد حباب خلي نكوم
امجد/اي صحيح خلي نكوم
