شكد احاول اهدء اعصابي واسكن راسي مدا اكدر بسبب كلام رباب نفتح مليون جرح بداخلي ساعة اكول الحق وية الفصلية وساعة اكول مفروض ألومها بس من اذكر الجرح بخصارتهة اكول يرجع الحق للبنية
امجد بانزعاج/الو
الياس/هللة بلضلع مال اني
امجد/الياس روح مو وقتك ابد
الياس/ليش شكو شبيك خوية
امجد/لو شنو تسوي متكدر توصل لمكان مؤمل روح وكافي ادگ علية كل شوية مليت
الياس/ماشي براحتك بس حبيت اتصل عليك اگلك اني اخيك موجود يمك بس الظاهر انت متريد اخيك الجديد
ستوعبت كلامي الي كلته للياس حطيت ايدي على عيوني
امجد/الياس و والله مادري شبية حقك علية...الياس؟ الو؟....راح انعلللل ابو هل العيييشة الخرررة
جنت بلمخزن كاعدة صافنة احاول اهدء نفسي انو اكو امل بهل الصبر رح ارجع لامي بس تخلص هاي السنة يمهم اكيد رح اكدر اتحاشة امجد واكمل السنة على خير
بعدني ما مكملة كلامي بيني وبين نفسي سمعت امجد صار يصيح يمة هذة شبي كمت بسرعة رحت يم باب المخزن حطيت ايدي على يدة الباب اطلع؟ لو ابقة؟ فتحت الباب اربع اصابع باوعت بخوف شفت اسنات طلعت من غرفتهة كبل لغرفة امجد ادك على الباب
طلع امجد من الغرفة دفع اسنات بس بهدوء يخاف على اخته تتاذة بايده السويج مال السيارة نزل سمعت صوت باب الشارع نطبكت يعني طلع اسنات راحت لغرفتهة رجعت سديت باب المخزن رجعت لمكاني نزلت راسي اخذت نفس وطلعته الله موجود يصبرني على هل الاختبار الصعب
عدة هذة اليوم بخير ليش لان امجد ما موجود بلبيت اصلا العصر خلصت شغلي وعمتي بليل سوت العشة ونمت براحت كلبي وجوده بلبيت يخنكني
شهد/ها هسة شلون صرتي
ام شهد/الحمد لله احسن
شهد/يلة تمددي
ام شهد/حجيتي وية عمج
شهد/فد شوية اروح احجي وياه بس ستريحي
ام شهد/الله يرضة عليج يا حبيبة
شهد/يمة
ام شهد/ها يمة
شهد/خلي ابطل من المدرسة
ام شهد/لا ممنوع
شهد/ليش يمة
ام شهد/كلت ممنوع تردين تهدمين مستقبلج؟
شهد/يمة ماحتمل المدرية من دون وهج ماريد اروح
ام شهد/اختج رح ترجع بتسهيل الله ربي يعجل رجعتهة لحبيبة كلبي بس يمة هذة مستقبلج لازم تكملين وتوصلين احسن ما تصيرين جوة ادين مرة عمج وعمج يمة اروحلج فدوة لتشوطين روحي مثل ما سوت اختج
شهد/لا هاي هية رح اكمل واوصل لخاطر عيونج وعيون صغيرونتي وهوجة
ام شهد/عفية بيج حبيبتي
شهد/يلة رجعي نامي
ام شهد/يا الله
كمت من نومتي متالمة كوة فتحت عيوني خليت ايدي على خاصرتي متالمة عضيت شفتي الجوانية حطيت وجهي على المخدة اااخ شنو هذة الي يوجعني وكانه سجينة بخاصرتي
عدلت كعدتي فركت عيوني صحصحت شوية طكطكت اصابيعي وكمت تمصرت بس ادية ماكدر لظهري لان بطني كلهة متشنجة مادري شكو
دا امشي عثرت بللحاف وعمممة دفرت برجلي وطلعت من المخزن امشي صفح رجلي توجعني والله اني صايرة فلم امشي وكوة مفتحة عيوني شايلة راسي شوية حتى اكدر اشوف عيوني ما مفتحتهن كلهن هسة عود ليش كعدت من هسة امجد وماهو حتى اكعده من النوم
