وهج واكفة يم باب الغرفة تباوعلي بعصبية
امجد/شبيج
بس سالتهة شبيج اجتي بسرعة يمي جرت ايدي عضت ايدي
امجد/اخ اخ شبييج يمعودة وهج
وهج بقوة/اكرهك
امجد/هاي شبيج هيج سويتي بايدي
وهج/اكرهك اني اكرهك ماحبك اكرهك
حطت حلكهة يم اذاني وتكول اكرهك من كل وكلبهة باوعتلهة بصدمة
امجد/تكرهيني ليش
وهج/ماحبك اكرهك اريد اموووتك بين ادية
امجد/شبيج مصخنة
وهج بصياح/انيييي ماااااابية شي
امجد/بسم الله شبيج بابا
وهج/لتكلي بابا اني مو بتك ولا بت اي احد اني بت ابوية
امجد/وهج منو ضاربج على راسج
وهج/اسمعني زيين
امجد/ليش هيج تحجين
وهج/اسمعني دا اكلم تسمعني يعني تسمعني
امجد/واكعة على ايدج؟! ايدج صايرة حمرة
وهج ببرائة/امجد اسمعني دا اهددك اسمعني
امجد/اي اسمعج هددي على راحتج
وهج/شكرا... امممجد شوف
امجد/دا اشوف
وهج/شوف هذة اصبعي
امجد ببرود/اي شبي
وهج/اني دا اهددك بهذة اصبعي انت تريد تضربني مو لان اني اخذت ذهب اسنات
امجد/لا ماضربج
وهج/لاااا انت گلللت حسابج بعدين يعني تضربني
امجد/اي كلت هيج حتى فردوس ورباب يتركنج بحالج انتي شبيج شاربة شي مو زين وهيج سوة حالتج
وهج/اااهئ ليش هيج تتصرف وياية هااا
امجد/ليش تصيحين
وهج/انت هيج تحجي وياية داااائما تصيح بدون سبب هسة اجة وقت انتقااامي زين؟ اني اكرهك وماحبك
امجد/ليش مو ابجي اذا انتي ما تحبيني
وهج/ابجي مايهمني اصلا مو بس تبجي ابجي وصيح هماتين اني بعد ماهتملك ولا اخاف منك
من كالت ولا اخاف منك دنيت عليهة رجعت للورة بخوف
امجد/ليش رجعتي للورة
وهج بخوف/لان دخت
امجد/احد اطاج شي تاكلي
وهج/لا مسدودة نفسي ماكلت شي
امجد/تعالي اريد اشوفج
وهج/شوفني منا لتجي يمي
امجد/وهج بلة حركات افلام كارتون واوكفي عدل
وهج/اكرهك انت وفردوس الحقيرة واختهة رباب والله مااخذت ذهب اسنات اسنات ابد اني كضيت وقتي كله يمك وجوة يم فطومة انت ليش صدكت بيهن شلون مشة عليك فلمهن حتى الجذب واضح عليهن
امجد/ومنو كلج اني مصدكهن حتى ريان الجاهل اذا شافهن يعرفهن دا يجذبن بس سويت هيج حتى يبعدن عنج تعالي انتي اريد اشوف شبيج
جريتهة من ايدهة اجتي بسرعة يمي تباوعلي وكوة مفتحة عيونهة كوووة تروح يمنة ويسرة عيونهة حمر
امجد/وهج شبيج
وهج/مابية شي وخر عني اريد اهددك بعد اكثر
امجد/شتهددين انتي شماخذة حتى صار بيج هيج
وهج/عزة اني دا اشوفك هواي واحد ثنين ووو هاااااه ستة منك هو اني واحد وكوووة ومتحملتك النوووب ستة
امجد بعصبية/وهج عدلي طريقة كلامج ليش هيج تحجين
وهج/اووي ليش هيج تجر ايدي اذيتني
امجد/اذا دا تتشاقين انهي الشقة ورجعي طبيعية احسنلج
وهج/اهئ ايدي هدهة تكسرت جوة ايدج ايد لو طابوكة
لزمت وجهة بجف ايدي قربت وجهة يم وجهي تحاول تدفعني لزمت اديهة بايدي الثانية انفاسهة بيهن ريحة قوية مو طبيعية
امجد/شنو اخر شي اكلتي ولج
وهج/اني؟
امجد بقوة/اي احجي بسرعة
وهج/الغدة مال المطعم
امجد/ما تعشيتي ماشربتي شي من القراية او اكلتي تسكرة او من عشة النسوان
وهج/لا جنت مقهورة وخايفة اقصد جنت اخلي نفسي مستعدة للعركة وياك
امجد/لعد شنو الي هيج خلاج تصيرين
وهج/ااخ راااسي
امجد/شبي
وهج/يوجعني...من قبل شوية
امجد/شنو قبل شوية؟
وهج/من قبل شوية جان راسي يوجعني ذبحني من الوجع ف اني اخذت دوة
امجد/دواج؟!
وهج/لا ههه دوة ثاني
امجد/منين اخذتي الدوة الثاني احجي لتسكتين
وهج/ايدي نخلعت من جتفي ابعد عني..شبيك هذة الدوة الي قبل فترة كتلك عليه انو عدي دوة اريدك تشوفه هه اليوم اخذت منه
امجد/كرت عينج وعين الخلفوج جوز الدوة منتهي مفعوله وضرب مخج امشي راويني الدوة
وهج/لتدفع
امجد/امشي كتلج
