امجد/انتي تحبي
شهد/اهئ هم رجعنة على نفس السؤال اي احبه بس ماكدر اكله اني احبك عدي ظروف واسباب تخليني ما اعترفله
امجد/هاج حبيبتي عاشت ايدج
وهج/بلعافية
امجد/باجر رح نطلع تحظرتي
شهد/لا والله
امجد/ليش
شهد/مدا الحك عدي اشغال
امجد/مدا تلحكين لو ابوج مايرضة
وهج/ابوهة
شهد/لا ابوية شدخله هه
امجد/اذا هاي عادي اني احجي وياه واقنعه امج قنعته
شهد/اي كالتله وقتنع ووافق نروح
وهج/سؤال حبيبي
امجد/سالي
وهج/ليش ما عزمت ايوب ورجب وابوية
امجد/مو اذا اخذتهم انتي رح تضوجين ادري بيج متحبيهن ف ما عزمتهم وينه ابوج اريد احجي وياه
سودة بوجهي لان سألت امجد هيج سؤال
وهج/ل لا ليش تحجي ويا هسة هو طالع يم اصدقائه وهو موافق مو هيج شهودة
شهد/اي موافق كال هذة امجد اامن عليجن يمه
امجد/اذا هيج خوش لتنسين بلوحدة الظهر اجي عليجن
شهد/ان شالله خيي على الموعد جاهزين
وهج/اروح اودي الكلاصات
حطيت كلاصات الجاي بلصينية وكمت كووة شايلة الصينية مرتبكة تخيلت شكل امجد يحجي وية عمي وعمي يكله الحقيقة
طلعت من الصالة جانت عسل واكفة يم باب الصالة بس طلعت من الصالة طفرت للدرج ركض رحتلهة واني بايدي الصينية
وهج/شعدج تتصنطين علينة
عسل/الة اطب للصالة واكله بلحقيقة
وهج/فنج شهد موجودة وتعرف شلون تتصرف وياج
عسل/هذة رجلي اني مو انتي
بتسمت الهة ورفعتلهة ايدي اليسرة
وهج/هاي شنو بايدي
عسل/محبس
وهج/لا حبيبتي حلقة وحلقة زواجي اني وامجد يعني لا هو رجلج ولا الج حق بي ف لا تحاولين تبحشين من جوة رجليج لا توكعين ماشي
عسل/اكرهجن انتي واختج الحقيرة
وهج/واحنة هم حياتي
عفتهة ومشيت للمطبخ رحت غسلت كلاصات الجاي ورجعتهن لمكانهن صعدت فوك طبيت للغرفة لكيت امي دا تعدل بفراش شهد
وهج/ها حبي شدا تسوين
ام شهد/اعدل الغرفة هوسة واني ماحب اكعد بمكان مهوس
وهج/فديت المعدلة
ام شهد/رجلج جوة
وهج/اي اجاني حتى نروح
ام شهد/يمة ما اوصيج حطي بعينج رجلج بعده مريض
وهج/يمة هو بعيوني
ام شهد/عفية بيج بنيتي وساعدي عمتج وسلميلي على حماتج وعمج وعمتج
وهج/الله يسلمج يا ست الكل يا ست الستات طيني بوسة
ام شهد/هه تعالي ابوسج
رحتلهة ركض باست خدي بست راسهة وايدهة كبل رحت للحمام غسلت وجهي وطلعت رجعت لبست جبتي وشالي نزلنة اني وامي سوية
طبت امي للصالة سلمت كاملهة امجد سلم عليهة حجة وياهة بخصوص سفرة باجر كلهة احطج انتي وبناتج الثنين بعيوني والسفرة امنة وبيهة شكم واحد من كرايبي مناك ما يظروكم امي ما مانعت ابد ووافقت على السفرة مع الرغم امي موافقة من زمان
امجد/يا الله من رخصتكم
شهد/الله وياكم
وهج/باي حبيباتي
شهد/باي باجر نتشاوف
وهج/اي ههه باي يمة
تم شهد/باي حبيبتي
حط ايده ورة ظهري ومشينة
فتحلي الباب صعدت قبله وبعدين هو صعد بلسيارة
