علاقات زائفة

البارت الخامس

مشهد مستقبلي 💫

_ عزة بعيني شلون نهزمها هذا يحجي صدك؟؟؟

_ ماعدنه حل ثاني اذا متحركنه بسرعه ونفذنه الكالولنه عليه راح تنذبح وتروح والندم ميفيد ...

_ لج شلون راح اتخبل شلون وصلنه لهذا الحال ، عقلي راح ينفجر ما اكدر افكر بعد...

_ مو وكتج البنيه راح تموت وماعدنه وقت .
لو نتحرك هسه لو نخسر كلشي...

_ تمام كومي يلا الله يستر بس ، ياربي تعدي على خير ومننلزم ونكدر نهزمها ....

_________________________________

حور

بيوم الصارت بيه الحادثة بين مؤيد وعمر .

اجتي عمتي زكية ام مؤيد اسمعها تحجي ويه امي ...

زكية : ام فارس عيوني مو كافي صار ست اشهر خطوبة الولد ملت روحه يريد يعقد على حورية مماخذ راحته ...

لمياء: والله يا ام مؤيد تعرفين الشور مو بيدي والامر والنهي بيد ابوها ، يجي اخوج واحجي وياه شوفيه شيكول..

زكية: اني جان حاجيته بس اعرفه مايقبل لان مؤيد ممكون نفسه لسه ولا متعين...

لمياء : ماطول تعرفين ليش جايتني اني هنا بس شكل لا احل ولا اربط اسمي امهم ...

زكية : ماتكدرين تأثرين عليه ولو شويه ..

لمياء: لا والله كد خرم الابرة ماكدر ..

زكية : هذا هو اروح اشوف حوري وينها..

لمياء : فوك تلكيها صعديلها ..

ركضت بسرعه طفيت الضوه ورحت لفراشي تغطيت سويت روحي نايمه ...
فتحت الباب علكت الضوه واجتي ...

زكيه : حوري عمه كاعده احجي وياج ...

كامت تنغ بيه بيدها حتى اكعد ...

حور : ها عمه شلونج ..

زكيه : هله حبيبتي نايمه وكعدتج سودة عليه..

حور : لا عادي ،

كمت بوستها وكعدت . اي عمه شلونج شكو ماكو

زكيه : شكلج يا بنتي هذا مؤيد اليوم متعارك بالشغل ، وضاربيه ضرب بلا رحمه كسر بيدهم كون ، عفته يون بلبيت من جسمه ...

حور : يا خطيه ميستاهل ، سويت روحي متفاجئة..

زكيه : لخاطري خابريه طيبي خاطرة كلش متكدر ...

حور : ان شاءالله لتشيلين هم اخابره ..

زكيه : هسه بداعتي اريد كلبي يبرد ...

ضلت تلح حرجتني ، لزمت موبايلي ودكيت ...

حور : شوفي عمه ميرد عليه ..

زكية : تلكينه نايم لو جاي يغسل ، دكي مرة لخ ..

حور : جريت نفس بضجر ورجعت دكيت شاله ..