علاقات زائفة

البارت العاشر💔

حسن

كرامتي فوق كل حب

ف حب بلا كرامه ك غيم بلا مطر

💔

رجعت لبيتنه كلش مقهورة على حسن وماريد اخسره

هو صديقي صديق الطفوله واني كلشي احجيله من اضوج من شي ،

لو اوكع بمصيبه الكاه كدامي ،

يساعدني وينصحني بس مافديوم بينلي انو هو يحبني ،
لو سوة حركه جريئه لو تجاوز حده ويايه ،

اني اشوف تصرفاته ويايه و ويه روند وحتى خواتي ، نفس التصرفات ونفس الاسلوب ،

زين شلون اتوقع هذا حب ،

قابل اعلم الغيب اني ،

وهو لو حاجي بوقتها يمكن جان حبيته لو فكرت بيه ، البنات خصوصا حور جانت على طول تكلي تره حسن مبين يحبج واني اعرف يحبني بس حب اخ لاخته ابن عم لبنت عمه...مجنت افسره حب حبيبه ...

صعدت فوك مددت لكيت صميم مخابر اربع مرات ورسائل داز هواي قريتهن ، سويت الموبايل صامت ونمت مالي واهس احجي ويه اي احد ،

ما اتحمل اخسر حسن ، واني كلت بالبدايه ، اضوج اقهر شخص  لو اخليه زعلان عليه ، شحال لو هذا الشخص عشره عمر ...

ضليت افكر بطريقه احجي وياه وارجع علاقتنه ...
لحد ما نمت ومحسيت اله ماما تصيحني ...

كمت وحاجيتها من فوك ..

بنان : ها ماما صباح الخير.

اسماء : صباح النور وين تليفونج ..

بنان : فوك ليش ..

اسماء: لعد ليش متردين على صميم ، من البارحه لليوم يدك عليج خابرني متخبل ...

بنان : مادري نمت هسه اخابره ..

رحت اخذت الموبايل وصدك هواي داك ، خابرته شاله رأسن ، اجاني صوته يصيح ...

صميم : وينج متي خوما متي متكولين عندي رجال يخابر يضل بالو ، لو هيج مو ابالج  انه ...

بنان : لا مو هيج بس ..

صميم : بس شنو ابو ابوي احترك وانه اتصل الف فكره سوده جتي ابالي ، ليش بويه ليش هيج تسوين بيه ..

بنان : اعتذر ومتتكرر وعد ..

صميم : موبايلج يمج ومن اتصل ردي وخل تنعاد نوبه الخ واشوفج الجنان على اصولو ...

بنان : هاهيه متنعاد بس اعصابك شويه ...

صميم : رايح انه في امان الله ...

بنان : وين ..

صميم : عندي شغل ، تهيري نهايه الاسبوع جاي ، حت تشترين ملابس دوامج مضل شي ويبدي ...

بنان : ان شاءالله ، صميم

صميم : هله ..

بنان : احبك ..