علاقات زائفة

البارت السابع

ياحيرتي الما تنوصف

شحجيلك وتفهمني 🌸

🌸🌸🌸🌸

شفته انصدمت هذا شجابه فتت وطبكت الباب رجع دكها ...
فتحتها ....
بنان : شجابك ؟؟؟

احجي وياه واتلفت خاف يطلع غسان لو بابا ....

صميم : كواج الله ، بلجن تندهيني واحد من زلمكم ...

بنان : هاي شبيك تحجي صدك ، بس فهمني شجابك ...

صميم : هذا استقبالكم للضيف الجادم عليكم افه عليج !!!

بنان : خطار شنو... شلون اندليت بيتنه!!!!

صميم : انه فايت وسيارتي خلصت ماي ودكيت بابكم لا على التعين ، بيها شي ....

بنان : صميم لتخبلني شجابك هنا وعلى شنو ناوي ...

صميم : بويه صيحي لواحد من زلمكم اتفاهم وياه وفوتي جوة وكفتج ما حلوة ....

بنان : شتريد منهم فهمني يلا افوت ...

سمعت صوت غسان ،

غسان : بنان منو بالباب ...

بنان : روح حباب الله يخليك ....

ضل واكف ويبتسم ...

فتت وسديت الباب ..

غسان : منو بالباب ...

بنان : هااا مكدي وراح ...

غسان : خوما فتحتي الباب ...

بنان : لا ..

غسان : ديري بالج الدنيا متتأمن ، اي واحد يدك الباب حاجيه من وراه ...

بنان : اي هو هيج ...

اندك الجرس ، خرب هذا هو ....

راح غسان فتح الباب ورحت وكفت اسمع ...

صميم : كواك الله ...

غسان : الله يكويك هله .. تفضل محتاج شي ...

صميم : اي والله انه جنت فايت من هني وسيارتي خلصت ماي و وكفت،، هاي جدام عينك وانه طريجي بعيد مو هين....

غسان : يمعود جنك على مي ، تدلل هسه اجيبلك الصونده ..

صميم : خاف ازاحمك ...

غسان : شنو تكاطعت الدنيا يا خويه..

صميم : رحم الله والديك ...

فات غسان ، جر الصونده ، ...

غسان : فوتي جوة ...

بنان : هاا اي ..

غسان: شبيج ...

بنان : ما بيه ..

رحت وصلت لباب المطبخ بس طلع رجعت وكفت يم الباب اسمع ...

غسان: انت منين مبين لهجتك مو منا ...

صميم : انه من الغربية ...