علاقات زائفة

البارت الرابع والثمانون

يبحثون عن الستر
وهم على الفضيحة يتسابقون

دكيت باب الجار .. كل ظنتي بابي
ذاكرتي صارت عدم .. من فركة أحبابي
يا جاري هذا العشك .. يحرك ولا يحترك
تركوني وحدي ومشو .. ما حاسب حساب

الليل ما ينتهي والاه مسموعه
الناس عني التهو كلمن بموضوعه

اهلي عليه بعاد ساعدني ياجاري
حزني يبجي بلاد خفف علي ناري

يادار ما اسكنك لا اله تجي احبابك
تحرم علي شوفتك ويحرم علي بابك

_________________

حسن : لج كافي راح تموتين وتموتيني وياج شو طفيها شجلبتي بهالاغنيه مو امج راح تموووت..

روند : ليش جذب مو الجوارين حنو عليه و ابو ابني اللي اشكال مر عليه ماكلف نفسه يتصل يتطمن عليه ، هسه ما اريده يجي ياخذ من خاطري بس اتصال...

حسن : ميستاهلج الف مرة حجيت انسيه خلي يولي كافي عاد مو حتى ابويه مات من قهرج.

روند : آه ه ه بابا تعال شوف حالي من بعدك سوده عليه راح من قهره عليه ، اخخخخخ يانار كلبي..

حسن : كافي مو متت صارلي ايام ما نايم ماعرف احير بضيمج لو بضيم امي اللي كل شويه واكعه عليه..

روند : حسن شايف من تخسر كلشي بالتتابع وانت بعدك عايش ، لعد شكد روحك صلفه ...

حسن : ليش متكولين هذا اختبار من رب العالمين النه ولصبرنه.

صفكت بيدي .

روند : خلصصصصصصت الناس وبس ولد احمد اللي يختبروهم ولك حسسسسن الصارلنه مو بأنصاف..

اجه كعد بصفي وجر حسره طويله ،اخذ غصن من الشجره وكام يكسر بيه..

حسن : شضل من العمر كضيناه تعلعل ماعاد يخلص ونخلص ، تدرين مرات افكر الموت الي مو لأبويه ..

روند : لا والله الي لازم الي ..

كمت اضرب على وجهي حيل ...لزم ايدي ولمني بحضنه..

حسن : كافي فدوة رحتلج مو كطعتي كلبي..

روند : حسوني خسرنه كلشي..

حسن : اي.

روند : ماعدنه حظ ويه الناس..

حسن : صح..

روند : تعبنه هواي اني وانت..

حسن : مو شلون مجان..

روند : خساراتنه ما تنعد..

حسن : فعلا..

روند : هواي انغدرنه مو بله..

حسن : فوك ما تتصورين..