علاقات زائفة

البارت الثالث والخمسون

حسن

مدري وين ؟؟
ومدري ليش؟؟
بين اموت !
بين اعيش!
شايل جناحي ارد ابيعة
وطلع جنحي بلاية ريش!!!!
هناك يم ذاك الغصن عصفورة ميتة
هناك كلمن مارجع ومتاني جيتة
حالي حال الدافن اهلة!!!
شفادة لو طوّل لحيتة
كون احط روحي بجزيرة
وعيشة المجنون اعيش
مدري وين
ومدري ليش
لاني راضي ابمستحاي
ولاني لمسودن واعيل
لا ضحكت ابال صافي
ولا شلت وجه الثكيل
شارد بنص ديرة غربة
ومحد يلفي الدخيل
مسافر ومو يم اخوتة
وطايح وكّدامة جيش
ومدري وين
ومدري ليش
كون اضم الروح شعراية بكّصيبة
كون عيني تفرزن وجوه الغريبة
كون اصيرن كاع صبخة
وما تضل بلروح طيبة
كّبال عيني انباع حلمي
وما عرفت انباع بيش
ومدري وين
ومدري ليش

____________________

روند

كلنا منتظرين جيه بنان بلهفة من اكبر واحد ال اصغر واحد ، الكل مشتاق الها ولرجعتها رحت بليل و بتت بيت عمي والصبح ساعدت عمه اسماء بالشغل وبلشنه بلغده ، لان الجناين كل وحده بيدها طفل ميلحكن ...

اسماء : روند هاج لفي بالسلك ، بين ما اروح اني وعمج اجيب طرشانه تحبها بنان ..

روند : عمه كل هذا الاكل وتطبخين بعد.

اسماء : والله لو تدرين فرحتي شكبرها بجيتها ، اريد اعوضها عن كل ايام التعب والمرض اللي عاشتها بعيد عنه .

روند : يلا براحتج اني راح ابلش على ما تجين .

اسماء: عينج على اللحم لا يخلص المي ويحترك ، واذا تعبتي كعدي البنات يساعدنج ..

سيف : اني موجود واساعد ..

التفتت سيف واكف باب المطبخ وبيده ابنه ثنينهم نفس الكفشه ..ضحكت على شكلهم .

سيف : لج مو بعينج وتضحكين .

روند : هسه غسل وجهك على الاقل مشط جاي تخرعنه من الصبح شجاك ، ههه فوكاها جايب النسخه المصغره من سيف..

سيف : اله ازوجه بنتج واخليه يطلع القضى والمضى بيها وقهر ابوه وضيمه..

روند : يبوو سيف رجعنه مو طوينه الصفحه وراحت .

سيف : اني ماعندي شي وياج سلمت الثار لأبني ...

روند : ههههه امشي ابو الثار روح العب بعيد عندي شغل كومه ..

اجتي عمه اسماء راحت تبدل شافت سيف واكف يمكن سمعت الحجي لان كلتله .

اسماء: جوز من شقاك وسوالفك ،صرت اب وهم عيب من زينه اذا سمعت ، تزعل منك ومن البنيه .

سيف : لا يمعوده كلشي ولا زينه تعرف شيخلصني ..

روند : ههههه والله يا الله ابو ثار يخاف من مرته ..