علاقات زائفة

البارت الثلاثون

احيانآ يجب ان نتحطم حتى نزهر 💔

....

دعوة موت من عدها لبتها
وحفظت الدرب من بيتي لبيتها

وين الله ويصير ابني لبتها
وبحجة نسيبة اطب علية

ملحة طفل للحاجة لحيتة
رمي الغشمة ولا جيلة لحيته

شايب شافني واكمش لحيته
فلتت من كثر ما باجي عليه

منو يحب ولفة بيكم ؟
يرفع ايدة اريد اطيه حجايات التفيدة
قانون العشك مثل التصاوير
القديمة تصير اعز من الجديدة
طعم كلشي قديم تحسه بيه روح
مثل طعم الاخبار البجريده
من تكعد بعمرك تعزل ايام
تلكة ايام من عمرك فريدة
ايا طعم الجكارة وانت سهران
تورثها وتفكر بالتريدة
وتمر رسومة بيك
وتصرخ الله
مثل بيت اليجيسك بالقصيدة

__________

رونق رجعت لحياتي وللروتين مال عيالي
بس هلمرة عمتي حاميه علية زايد .
يمكن جانت فرة عرس مثل ميكولون
وبدت الوجوه تتكشف ..

وقناع تلو قناع ينزع ...

جنت توني غافيه بنتي الليل كله سهرانه وضهري مكسور عليها واسمع عمتي تصيح من جوة ...

نورية:شطلعت هذا كله نوم ، ادري البيت شوكت يتنظف الغده شوكت يصير ساعه عشره صارت ...

تعوذت من الشيطان وكمت اخذت الكركوت الصغير مال بنتي ، ينشال بالايد خليتها بيه ولبست دشداشه ردان وحجابي ، لان سنان ميقبل انزل اله بحجاب ...

رونق : صباح الخير ..

نورية:جان بعد وكت ، لو ضاله لأذان الضهر ..

رونق: ان شاءالله من باجر اوقت الموبايل واكعد من وكت ..

نورية: اي عيني كعدي خوما ضاله نايمه وغفل ناس تجينه ..

سكتت وبديت اشتغل ايد على البيت وايد على بنتي ..

نورية: ادري شكد ثكيلة صايرة شوكت يكمل البيت شوكت نبلش بالغده ..

رونق: عمه هو بيدي دشوفي علياء بس تبجي شسوي ...

نورية: اي سكتيها وكملي بس استعجلي ...

سكتت هو الشغل براسي براسي اكمله وساكته احسن من ما اسوي مشاكل واتعب ..

كملت شغلي بهدوء وصاحتني حتى اساعدها بالغدة ..
فتت للمطبخ كملنه الغده هو مركه بيذنجان وتمن ، عبالك معضله اني كليت الباذنجان واني سويت التمن ، وصاحت

نورية : اخ ضهري اذا بهيج عمر ما ارتاح شوكت ارتاح تزوجين الولد حتى ترتاحين تالي نفس الوكفة ونفس التعب ...

عفتها تحجي وصعدت سبحت وبدلت ، جان الحمام جوة ومشترك ، بس بسبب الغيره والشك مال سنان سوالي واحد بداخل غرفتي ، ساندويش ، مو بناء ، بس بيومها غرفتي انكلبت لان حفر وتأسيس مي ومجاري متت حتى غرفتي تضررت ...