علاقات زائفة

البارت التاسع والستون

كعدت الصبح على ازعاجات جديده يبوو اني وين من انام اتخبل واحد يكعدني فتحت عيني واشوف جراح بوجهي ..

روند: لحيتك تجكجك يول ..

جراح : صباحج عسل يا نحلة ..

روند : صباحك قيمر يا زنبور .

جراح : ههههههه لا يازنبورة
كومي يادوب نلحك نطلع صارت سبعه ونص..

كمت قبله سبحت وطلعت ابدل وهو نايم ..
روند ومتحب تخبث رحت جبت فرشه المكياج ناعمه وكمت العب بخشمه وهو يوخر اخر شي كام يعطس ، كعد ..

جراح : لا يولي هو هذا هم شقه اتخبل من هاي السالفه..

روند : شعندك نايم مو كعدتني من الصبح..

جراح : اذا انتي سنه يلا تكملين .

روند : هاي اني .

جراح : اي انتي

روند : كوم يلا حباب ..

شمر الغطه وفات سبح وطلع بدل..
باوعلي بنص عين..

جراح : ما متفقين هيج ..

باوعت على روحي ورجعت باوعتله ..

روند : شكو وين الغلط..

جراح : هذا اللبس يتغير والحمره تنمسح.

روند : والحمزة ما ابدل ولا امسح الحمرة..

جراح : والحمزة اللي حلفتي بيه ما اطلع وهاي كعدتي..

روند : حباب لتسوي هيج

جراح : ياهو قشمرج وكلج انه حباب كومي لبسي لبس محترم اطلع وياج تطلعين هيج اكسر رجلج..

روند : كام يكسر اويلي ربي .

جراح : عليش تدردمين مو جنتي تتمنين هيج واحد يكعدج بجلاق وينيمج بدفره ..

جنت ناطيته ضهري شهكت والتفتتله..

روند : صخاااااااااام كون هاي شمدريك ..

جراح : اخوج كلي اكبر امنياتج جانت الكتل والخزره ..

روند : وهاي شوكت اتفقتو عليه ياااااا اني اعلمك حسن..

جراح : لا اتفقنه ولا ابد فد هو حجاها من باب المزح .

روند : وانت خليتها ابالك..

جراح : شلون عجل.

روند : والله انت تخوف..

جراح : مو هاي امنياتج وانه جاي احققها اكسر واصلخ واذبح..

روند : بابه شقه جان انت معليك اخذ مني المفيد..

جراح : ماخذ منتضرج انه..

حجاها وضحك ، ركضت عليه خنكته..

روند : ولك جراح جوز مني.

جراح : احب اداهرج اموت على الخجل اللي بعيونج يولي راح انجلط من وراج دحكي كلبي شلون جاي يدك سريع.