علاقات زائفة

البارت الثاني والثلاثون

حسن يكول

اليوم بالصدفة مثل عطرك لكيت

حاولت بس مكدرت الزم عبرتي

بهوسه السوك وبجيت

تدري حسبالي نسيت!!

انت لو تدري الهوة مسميه بأسمك ماعفتني

يالغشيم

الوادم مدورتني بالظلمة ولكتني

وانه حارك روحي لأجلك

خاطر تشوفني وماشفتني
________

عمر يكول

عمر

انه وانته احلامنه زغيرونه حيل
ولد فقره ومايلوكلنه الدلال
فارغات جيوبنه بس احنه ناس
تارسين ارواحنه اخلاق وجمال
من اعاين طولك استغفرلي عام
حتى تطلع نظرتي مالت حلال
انته صوتك والجرح معتبره خير
اني واكف جيب رزق الله وتعال
ليش خوافين والموعد بسيط
احنه مانحتاج بس جرئه احتمال
انته بارد بالعشك بالفركه حار
مستحين شبينه غير الحب حلال

________

عيوني تفتر عليهم واحد واحد مركزة عليهم...

بيهم اللي يريد يشفي غليله بيه

وبيهم اللي يريدني اوكع حتى يردلي الصفعه ، لان فضحت سوالفه كدام اهلي.

وبيهم اللي منتضر وكعتي حتى يتشمت بيه
لان خسر دراسته وللأسف هاي اختي الجبيرة
اللي لازم هيه بمقام امي وتوكفلي ، اول مسمعت بالخبر وكفت لزوجها هالوكفه اله تجي وتحضر موقف كسرتي ، القاهرني اني شمسويتلهة ..

حجه عمي ...

_ حور متحجين هاي خامس مرة اعيد ،واذا عدت مره لخ راح تصر ١٢ خوما نضل للصبح اني هم عندي مشاغل ..

حجاها بنترة ..

زيدون : هسه تحجي قابل خرست ...

يحجي ويأشرلي على السجينه بيد عصام ..

درت وجهي منهم وكمت استمع لعمو من كمل ١٢ مره ..

جاوبت بكل هدوء ورزانه ، وثكل
شلون اللبوه من يذبوها بنص ضباع سائبة
هيج جنت ...

رفعت عيني وخليتها بعيون ابويه الي تهدد وتحذر ومليانه شر ..

حور : ما اريد اتزوجه ..

بس نطقتها ، انهال الضرب عليه بحيث من اول ضربه صارت الدنيا ضلمه بعيني وفقدت ...

محسيت غير مي ينرش على وجهي فتحت عيني كوة
شفت سهى تباوعلي بخوف و وراها امي واكفه ويمها اسراء متكتفه وتباوعلي ...

رجعت غمضت...

جنت اتمنى امي تدافعلي توكف بوجهم ، بس جانت تتفرج ، واسمع اختي تكللها خزتنه وسودت وجهنه زين يسوون بيها صرت علج بحلك حمواتي.