علاقات زائفة

البارت التاسع❤

حسن يكول

يمر طاري المحكمه وعالقبله انام

انت كاطع نحري لو كاطع مهر
_______

نزعي محبس غيرنة منشز عليج
ازغيرة بعدج والعرس ميطيحلج
ازغيرة عفناج بكبر ضحكة يتيم
وهسة ام فلان كمنة نصيحلج .....

_______

الله وفقني وترس دمي انتظار
والله وفقها وترس دمها عرس

_________

مخطوبه وصلولي الخبر
جنت اني احبهة هوايه
دعوة بظرف وصل امس
هذا الخميس اصبح عرس
يفلان جنت اسكي بورد
جيت واخذت الايه....!
اوعدج جذب بس مارحت
انساج هذا اصبح حلم
يم النجم تلكين اسم
واحد يحبله مرايه؟ ؟؟ ..
_________

انه ارد احلفك كول يالغشني دمعك
من حلقه أجو لبسوك ما غص أصبعك

_____________

نيتكم وياها شنو
او بالاصح انتو منو
وشجابكم لحساسها ؟
بانيلها بريتي نفس
خافن حجزتوها بمهر
حاجز كصيبة براسها ..!
_____________

الياهو گليلي نخطبتي ؟؟؟
احچي مو نزلت دمعتي
احچي هم ويآه گعدتي .؟ هم طلعتي.؟ هم لعبتي .؟
هم شبچ بيده اعله ايدچ .؟ هم لزم شعرچ يمحبوبة وضحكتي .؟
لج فدوة دحجي؟

____________

طب يضحك طول وهيبه يخبل اخذ كلبي ...

كعد يمي باس راسي وكال

صميم : مبروك عليج انه ، ومبروك عليه انتي ..

بنان : مبروك علينه حبيبي ...

صميم : اخ الله حبيبج صرت ...

ضحكت ودنكت ...

اجتي امه ...

الام : هاي يمه ع الخير ما خذيت ربي يسعدكم وحضكم من النجم كون ...

صميم : خير اليصيبج حجية ...

كام باسها براسها وحضنها ...

دعيت من ربي يحفظهم ...

رجعت يمي وكفت كمت بوستها ...

الام : يشهد الله علي وملائكتة انتي من بناتي ، انه عندي ثلاثه وانتي رابعتهم ، لخليج بوسط عيني واغمضها..

بنان : وانتي امي الثانيه وافتخر اكون بنتج ..

صميم : كافي تراني غرت ، وانه ويني من هذا الحب كلو والاحضان ...

الام : تلحك تشبع خلني وياها دقايق ...

بنان : فدوة لعمرج خاله حبيبتي...

الام : انه امج كليلي يوم يمه ، فد لا تكولين خاله ما احبنها ...

بنان : يوم تدللي ههههه.

بوستني وراحت بنص البنات تكمز وتهلهل ...

رجعت كعدت حضني ...

بنان : صميم منا الناس وخر ايدك ..