علاقات زائفة

البارت الثامن والاربعون

حسن ل بنان

انتي سالفة تنحجي بلحظة سجود 💫
💥💥
انا المبيوك حلمه وضحكته وحظه
____
بنان ل صميم

وعدك والحلف والكعبة والقران

ما ادري الحجاهن أنت مو انت

منو عنده
ملح بي خير هذا يفشل لعندي
اشو كل ماتضوكة الناس تنسة وتنكلب ضدي

______
عمر ل حور

فد انه راح اختلف عن الحجو عنك

مو انت جنك كمر هو الكمر جنك
______
حور ل عمر

من احضنك ما امل

عازف ويحضن عود

شما زاد اللحن تزداد حنيته
______

صميم ل بنان

عود انه حالف ما احب
فد انت جيت بدربي
لزمة حمامة بجف طفل
بالكوة لازم كلبي
__________________

بنان

جنت نايمة ،كعدتني حنى ...

حنى : بنونه صباح الخير..

كعدت باوعتلها توني كاعده من النوم وعيوني تسورب لهذا مرديت الها الصباح ..

حنى : شنو زعلانه مني ، سويت شي وما ادري ؟؟

هزيت راسي ب لا ..

حنى : كومي اكلي علمود تاخذين علاجج ، موصين عليج من الجهات العليا ..

كمت عدلت كعدتي جاوبتها بتعب..

بنان : منو موصي عليه اكيد جراح ..

حنى : هو وابوي ..

مديتلها ايدي ..

بنان : سنديني فدوه اروح للحمام وهم اريد اغسل ..

حنى : يلا كومي ...

لزمتني من ايدي ومشتني امشي خطوة واوكف ، يعني هيج المرض استفحل عليه ، ماكو شي بعيني هسه بس عافيتي ترجع ، كلشي ما اريد ، صدك لو كالو العافاك اغناك والمغني الله ، العافيه كنز محد يحس بيها بس الفاكدها ..

رحت للحمام اتجى على الحياطين ، غسلت وجهي ورجعت كعدت ما اكدر اوكف ، ورة شويه يلا كدرت اطلع ، شافتني حنى تخبلت ..

حنى : عزة هاي ليش هيج وجهج اصفر صار.

بنان : دخت شويه ..

حنى : امشي فدوة نامي لترحين توكعين وماكو احد بلبيت ..

بنان : ليش وينهم ..

نمشي ونحجي ..

حنى : طلعو بشغله من الفجر كالو نكضيها ونرجع ..

بنان : الله يسهل الهم ..

رجعت للغرفه مددت ، توني بديت اكل دك تليفون حنى ، رفعت الخط ، حجت مرتبكه ..