علاقات زائفة

البارت العشرون

حور تكول

اني يافرحه الأحطها بين اديك
اني بجفوفي عمر شلت الوجع

حتى ماعندي ابتسامه من ارد اجيك
ليش تشلع كلبك بكلب انشلع

ليش تطلع خاسر ومشلول حال
تترك الضحكة وعليمن منقهر

راجع افكارك بعد عندك مجال
ليش بيه تريد كلبك ينكسر

الدنيا مو دنيا عشك يبن الحلال
لا تخلينه بمحبتك ننجبر

_____________🤍

عمر : عجل شلون اوصلج حبي بيا طريقه اذا ماحجيتلج..

حور : الكلام سهل وكلنا شاطرين بيه...

عمر : الحل ؟؟شنهو

حور : اني ميهمني لو تحجي للصبح لا غزل ولا ملاحقاتك الي من مكان لمكان ، ولا راح تأثر بيه ..
بكد ما فعل واحد احتمال يغير نضرتي كلها بيك ..

عمر : عجل الزلم بالافعال وتاني فعلي ...

سكتنه فر السيارة ورجعني للبيت ...

حور : نزلني قبل فرع ..

باوع بالمرايا وكال ..

عمر : ليش ؟؟

حور : احسن ..

عمر : براحتج ..

وكف السيارة ..

حور : باي ..

عمر : هله ..

نزلت وهو راح ..

مشيت لبيتنه والف فكره وفكره اجتاحت بالي ..

اني وين اريد اوصل ، ليش زرعت أمل بداخله ، واعرف نهايه امرنه مستحيله ، ليش هيج سويت اول تالي اتصرف بدون عقل، شنو اللي ردته من تحديته ...

دكيت الباب طلع ابويه نفس الوجه معقوج ويابس ..

حور: السلام عليكم ..

زيدون : وين صرتي ساعه اربعه ..

حور : ازدحام ..

زيدون : خفت لهلوجه ...

صفنت عليه ، شبيه هذا ، عفته وفتت كبل صعدت لغرفتي.
من ارجع ما اتغده لان شبعانه بالدوام ...

______

رونق ..

ام سنان ، ضلت تروح وتجي على ماما وتريد تستعجل

بالعرس، والدي موافق بالبدايه كال بعدلها سنتين شلون ،
وره مطلعو ، كعد ويايه وحاجاني ، كتله اني ما عندي

اشكال اذا هسه او بعد التخرج ، سألني اذا ادبرها لو لا ، كتله ان شاءالله ادبرها ...

اني كل همي اخفف الحمل على والدي ، مصاريفي هواي خط وملابس واستنساخات ،

عدا المصروف اليومي ، والملابس ، صح ما اطلب دائما بس هم يراد هواي ...

تحدد موعد المهر ، صارت كعده بسيطه كلش بوجود اهلي وصديقاتي ، بنان وحور وروند وقمر ...