علاقات زائفة

البارت الثالث والثمانون

حسن
اضمهن بالكلب بس عيني تحجيهن..

بنان
احب النحو أن كان نحوك

صميم
بكل حرير الله حجيت وياك وتكلي خشن

جراح
اثاريها الملامح تفضح المتعوب

روند
اروح وين وكلشي كبالي من لونك

مسرة
انه التعبانة روحي واضحك لأجلك

__________/__

بنان

جنت كاعده ارتب بملابس البنات اندك باب غرفتي وانفتح بنفس اللحظة رفعت راسي صميم ..

بنان : تره مكلت ادخل حتى تجيت .

صميم : وانه مافايت للحمام غرفة زوجتي ، ترة انتي حلالي يعني ...

بنان : واذا غرفتي افرض كاعد ابدل شلوون هيج تدخل..

تقرب عليه وكنبص كدامي اني جنت متربعه وكاعده بنص الملابس ، بدت نظراته الجريئة وسوالف الحبجيات..

بنان : خيرررر شكو.

صميم : فلنفرض مثلا مثلا يعني مثلا انتي جاي تبدلين ، وانه فتت وين المشكله ، وشنو الغريب بالموضوع ما انه شايف كلشي وحافظج صم على غيبي..

بنان : هسه شتريد..

جر حسرة وكال..

صميم : احم ، اذا تسألين شريد اريد هووواي وطمعان هم ..

بنان : ليروح بالك بعيد ليش جيت لغرفتي بهذا الوقت..

صميم : موعد السفره عكب باجر حضرتي نفسج لا..

بنان : البنات ما اكدر اعوفهن..

صميم : عايفتهن بالشارع يعني يم جدتهن..

بنان : صميم من الاخير ما اجي لان اعرف نواياك شنو..

نزلت عينه على شفتي وعض شفته.

صميم : نوايا خبيثه قصدج لو سرسرلوغيه..

بنان : انت كلشي حاوي ، كلمن يعرف نفسه شنو...

مد ايده تلمس بشرتي ...

صميم : مشتاق لكل نسمه بيج.

وخرت وجهي ليغاد وابتعدت عنه .

بنان : تصبح على خير صميم اريد انام..

صميم : وانت من اهله ..

راح وتمدد يم بنان بالكاع ..

بنان : هاي وين ..

صميم : بنتي ونايم يمها يمج كرباج انه والله يا الله..

بنان : صميم عوف سوالف المراهقين مالتك ...

صميم : موعيب اراهق وي زوجتي حبيبتي وام بناتي..

بنان : لعد اخذ بناتك وانزل نام جوه واحضنهن زين..

صميم : لا عيني احنه نايمين هين ما ننزل شتكولين ايوته باباتي..