علاقات زائفة

البارت السادس💙

أصنع لنفسك أيامآ جميلة

ولا تنتظر جمال أيامك من احد💓

💓💓💓💓💓💓💓💓

ضليت صافنه عليه هذا شديحجي..

بنان : شنو تهيري شبيك انت ...

صميم : معناها ارتاحي يابه ..

بنان : شرتاح شبيك ..

صميم : هسه يطكج عرج وين احير بيج ...

بنان : تعرف شنو مو صوجك صوجي اني الثولة الواكفه اخذ وانطي وياك بالحجي ...

صميم : ول ياب بنات بغداد موش اعصاب جمر ...
اخ بويه الحك ابنك ضاع عمرة وتبده ....

بنان : عساه ما يلكالك اثر بجاه الحبيب محمد ..

صميم : يولي عليش ادعين علي ، تراج طلعتيها من ماعونها ...

شفته بدت يعصب سكتت ...

عفته ورحت على حور بعدهة تتعارك جريتهة من ايدها

بنان : جلبتي بيهم لزكتي امشي فضيني خليتي راسج براسهم ، وكامو يتمادون ، فوكاها تحجين عليه لان سلمت مرتين على صميم..

حور : لا انتضرهم لحد ما يجيبولنه سمعه زفت ذاك الوكت ندبي بحضج ....

بنان: لا يمنه ولا حوالينه شعليج بيهم ...

حور : لعد شكو ثبرتيني باللعبه شوفي ما شوفي ...

بنان : مو قصدي شي بس هيج ردتج تعرفين ...

حور : وتدرين بيه كلش زين مراح اسكتلهم ، من كلتيلي شتتوقعين ابتسم الهم ،لو اعزمهم على لعبه ...

بنان : استغفر الله ربي ساعه السودة بيوم اللي اشتريت كابتشينو ...

حور : كل مصايبنه من ورة بطنج ..مفجوعه ...

ضلت حور تدردم ، واعصاب والخدود حمر بوخت هههه ..

اني صح ضجت بس مو مثلها ..

رجعنه لمكان الطلاب لكيناهم توهم فارشين السفره وكاعد يصبون ...

بنان : هاي شنو خيانه شو بادين تصبون واحنه بعدنه...

احمد : متنه جوع وانتن ما تشبعن من لعبه ل لعبه .

بنان : ليش انتو مرحتو ...

احمد: رحنه ورجعنه ملنزك مثلجن ...

رنا: هسه اصب لو ننتظر الباقين ..

احمد : صبي وعوفيلهم بالجدر متنه ...

كعدنه اني وحور نساعد البنات بصب الاكل وشويه شويه بدو الطلاب يتجمعون ...

كملنه صب ، واكمتل العدد تقريبآ وبدينه ناكل ، لهناك واجوي عمر وصميم كعدو ...

سلمو على الولد الضاهر يعرفوهم ....